Bakıda Azərbaycan-İtaliya münasibətləri müzakirə edilib
Oktyabrın 15-də Milli Məclisin sədri Oqtay Əsədov İtaliya Respublikası Senatının Xarici əlaqələr daimi komissiyasının sədri Vito Petroçellinin başçılıq etdiyi nümayəndə heyəti ilə görüşüb.
YeniAvropa xəbər verir ki, görüşdə Oqtay Əsədov bu səfərin parlamentlərimiz arasında münasibətlərin inkişafına müsbət təsir göstərəcəyini söyləyib.
Qeyd edilib ki, İtaliya ölkəmizin mühüm tərəfdaşlarından biridir. Münasibətlərimiz strateji xarakter daşıyır. Biz bir çox sahələr üzrə sıx əməkdaşlıq edirik. Ölkə başçılarının qarşılıqlı səfərləri və görüşləri zamanı aparılan danışıqlar əlaqələrimizin daha da möhkəmlənməsinə öz töhfəsini verib.
Milli Məclisin sədri vurğulayıb ki, bu günədək Azərbaycan və İtaliya arasında 44 sənəd imzalanıb. Onların arasında 2014-cü ildə imzalanmış Strateji Tərəfdaşlıq haqqında Birgə Bəyannamə xüsusi əhəmiyyət daşıyır. Ötən il ölkələrimiz arasında ticarət dövriyyəsinin həcmi 6,22 milyard ABŞ dolları həcmində olub. Cari ilin yanvar-avqust aylarında bu göstərici 4,12 milyard dollar təşkil edib.
Sədr əlavə edib ki, müstəqil Azərbaycan bu gün Avropanın enerji xəritəsini dəyişmək iqtidarındadır. Ölkəmizin təşəbbüsü ilə reallaşan enerji layihələri bu fikri bir daha təsdiqləyir. Azərbaycanın təsdiq olunmuş 2,5 trilyon kubmetr qaz ehtiyatları var ki, bu da gələcək 100 il ərzində bizə və tərəfdaşlarımıza kifayət edəcək səviyyədədir. Artıq fəaliyyətdə olan Bakı-Tbilisi-Qars dəmir yolu xətti Avropa ilə Asiyanı ən qısa yolla birləşdirən mühüm nəqliyyat qovşağıdır. Biz gələcəkdə iqtisadiyyatın ən müxtəlif sahələrində əlaqələrimizi dərinləşdirmək niyyətindəyik.
Spiker birinci vitse-prezident xanım Mehriban Əliyevanın rəhbərlik etdiyi Heydər Əliyev Fondunun İtaliyada həyata keçirdiyi layihələri humanitar sahədə əməkdaşlığımızın bariz nümunəsi kimi dəyərləndirib.
Söhbət zamanı Sədr hər iki ölkənin qanunvericilik orqanlarında dostluq qruplarının fəaliyyət göstərməsini və deputatların qarşılıqlı səfərlərini təqdir edib.
Bildirilib ki, Azərbaycanın üzləşdiyi Dağlıq Qarabağ münaqişəsi nəinki ölkənin, bütöv bir regionun tərəqqisinə böyük maneçilik törədir. Bu hal Avropanın təhlükəsizlik arxitekturası üçün də təhdiddir. Biz münaqişəyə dair İtaliya Senatının 2010-cu ildə qəbul etdiyi “Cənubi Qafqazda vəziyyətlə bağlı qətnamə”ni yüksək dəyərləndiririk. Sənəddə ölkələrin ərazi bütövlüyü prinsipinə əməl olunması müddəası aydın şəkildə öz əksini tapıb. Biz problemin beynəlxalq hüququn normaları çərçivəsində ədalətli həllinə tərəfdarıq.
İtaliya Senatının Xarici əlaqələr daimi komissiyasının sədri Vito Petroçelli ölkəmizə səfərini və burada keçirdiyi görüşləri əlaqələrimizin inkişafı baxımından yüksək qiymətləndirib. Bildirilib ki, onun təmsil etdiyi ölkə Cənubi Qafqazın bu bölgəsi ilə siyasi, iqtisadi, mədəni əməkdaşlığı daha da dərinləşdirmək niyyətindədir.
Qonaq əlaqələrimizin inkişafında parlamentlərin rolunu xüsusi vurğulayaraq deputatların qarşılıqlı səfərlərini, keçirilən görüşlər zamanı aparılan fikir mübadiləsini önəmli hesab edib.
Görüşdə Milli Məclisin İtaliya ilə parlamentlərarası əlaqələr üzrə işçi qrupunun rəhbəri Azər Kərimli, ölkəmizin İtaliyadakı səfiri Məmməd Əhmədzadə və digər rəsmi şəxslər iştirak ediblər.
Almaniya Azərbaycanı COP29-da dəstəkləməyə hazırdır
İlham Əliyev Almaniyaya işgüzar səfərə gəlib
Milli Məclisin sədri Monteneqroya rəsmi səfərə gedib
Xocalının Malıbəyli kəndində aşkarlanmış insan qalıqlarının sayı 8-ə çatıb
Prezidentinin Administrasiyasının may ayında vətəndaşların qəbulu CƏDVƏLİ
Azərbaycan-Ermənistan sərhəddə artıq 20 sərhəd dirəyi quraşdırılıb
Cüdoçumuz Avropa çempionatında gümüş medal qazanıb
"Bakcell" ilə innovasiya dövrü başlayır
Azərbaycan-Macarıstan enerji əməkdaşlığı müzakirə edilib
Milli Məclis Avropa Parlamentinin qətnaməsinə münasibət bildirib
Sadır Japarovun Azərbaycana rəsmi səfəri başa çatdı
Gələn həftə ibtidai siniflərdə əlavə yaz tətili başlanır
Azərbaycan-Qazaxıstan hərbi əməkdaşlığı müzakirə edilib
İlham Əliyevlə Sadır Japarov Ağdamda Şahbulaq qalasında olub
Bakıda dünya qastroenteroloqlarının konqresi işə başlayıb
Azərbaycan və Qırğızıstan prezidentləri Ağdam Konfrans Mərkəzində olublar
Macarıstan Qarabağın minalardan təmizlənməsinə dəstək verməyə hazırdır
Sabah Bakıda 29° isti olacaq
Baş Prokurorluqdan Nəsib Quliyevin intiharı ilə bağlı açıqlama
İlham Əliyevlə Sadır Japarov Ağdam Cümə məscidinin açılışında iştirak edib
Bakıda Türk dövlətləri parlamentlərinin komitə sədrlərinin iclası keçirilir
Macarıstan şirkətlərinin Qarabağın bərpasında iştirak edəcək
Azərbaycan və Qırğızıstan prezidentləri Ağdama səfər edib
Macarıstanın xarici işlər naziri Azərbaycana səfərə gəlib
“Qarabağ”la “Zirə” Azərbaycan Kubokunun finalına qarşılaşacaq