İyunun 10-da Böyük Britaniya kraliçasının həyat yoldaşı, Edinburq hersoqu şahzadə Filippin 98 yaşı tamam olur.
YeniAvropa İngiltərə KİV-lərinə istinadla xəbər verir ki, şahzadənin ad günü axşam saatlarında Londonda atəşfəşanlıqla qeyd ediləcək. Filippin özü isə bu günü evində - Sandringem sarayında keçirəcək.
Ötən istirahət günlərində Britaniya kraliçası II Elizabetin də öz rəsmi ad günü qeyd olunub. Rəsmi səlahiyyətlərindən imtina etmiş şahzadə Filipp həyat yoldaşının ad gününə qatılmayıb. Bu münasibətlə keçirilən ənənəvi paradda Britaniya kral ailəsinin digər üzvləri, həmçinin iyul ayında postunu tərk edəcək Baş nazir Tereza Mey iştirak ediblər.
1748-ci ildən etibarən Britaniya monarxlarının rəsmi ad günləri hava şəraitindən asılı olaraq iyun ayının birinci, ikinci və ya üçüncü şənbə günü keçirilir. Kraliçanın əsl ad günü isə aprel ayında baş tutub. Onun 93 yaşı tamam olub.
3129
3129
