Bu gün Fransada futbol üzrə dünya çempionatı start götürür
Bu gün Fransada qadınlar arasında futbol üzrə səkkizinci dünya çempionatı start götürəcək.
YeniAvropa xəbər verir ki, turnirdə 24 yığma komanda iştirak edəcək.
Dünya birinciliyinin “A” qrupunda ev sahibləri ilə birgə Cənubi Koreya, Norveç və Nigeriya komandaları çıxış edəcəklər. Almaniya, Çin, İspaniya və CAR yığmaları “B” dördlüyündə, Avstraliya, Braziliya, İtaliya və Yamaykadan olan kollektivlər isə “C” qrupunda mübarizə aparacaqlar. İngiltərəli, şotlandiyalı, argentinalı və yaponiyalı futbolçular “D” qrupunda oynayacaqlar. “E” qrupuna Kanada, Kamerun, Yeni Zelandiya və Niderland, “F” qrupuna isə ABŞ, Tailand, Çili və İsveç yığmaları daxildir.
Turnirin açılış matçında fransızlar koreyalılarla görüşəcək. Oyun Parisin “Park de Prens” stadionunda keçiriləcək. Dünya çempionatının finalı iyulun 7-də Lionda “Stad de Lümyer” arenasında təşkil ediləcək. Turnirin oyunlarını, həmçinin Qrenobl, Monpelye, Havr, Nitsa, Valansyen, Ren və Reymsdə yerləşən stadionlar qəbul edəcək.
Turnirdə hazırda ən titullu qadın futbolçulardan biri olan Marta iştirak edəcək. O, FIFA versiyasına görə qadınlar arasında ilin ən yaxşı oyunçusu adına 6 dəfə layiq görülüb. 2002-ci ildən milli komandanın heyətində çıxış edən 33 yaşlı braziliyalının hesabında 100-dən artıq qol var. O, Braziliya yığmasında keçirdiyi matçlarda Olimpiya Oyunlarının iki gümüş medalına (2004, 2008) layiq görülüb, həmçinin 2007-ci il dünya çempionatında ikinci olub.
FIFA 2018-ci ildən başlayaraq ilin yekunlarına görə ən yaxşı qadın futbolçuya “Qızıl top” mükafatını təqdim edir. Bu mükafatın ilk sahibi norveçli Ada Heqerberq olub. Lakin Norveç Futbol Assosiasiyası ilə Heqerberq arasında yaranmış münaqişə səbəbindən bu futbolçu ölkəni milli yığmada təmsil etmir.
Dünya çempionatı oyunlarında ilk dəfə olaraq hakimə videoyardım sistemindən (“VAR”) istifadə olunacaq. Testləşdirilmələri 2016-cı ildə qəbul edilən bu sistem tədricən dünya futbolunun ayrılmaz hissəsinə çevrilir. Rusiyada keçirilən Konfederasiyalar Kubokunda (2017) və dünya çempionatında (2018) istifadə edilmiş “VAR” sistemi ötən mövsümdə Çempionlar Liqasının “play-off” mərhələsində də tətbiq olunub. Oyunun gedişində mübahisəli epizoda yenidən baxmaq üçün hakim matçı saxlaya və assistentlərlə əlaqə qura bilər. Epizodun təkrarına, həmçinin baş hakimin özünün də baxmaq hüququ var.
Qadınlar arasında futbol üzrə dünya çempionatı dörd ildən bir keçirilir. Turnir iki dəfə Çin və ABŞ-da, habelə İsveç, Almaniya, Kanada və Fransada təşkil edilib. ABŞ komandası ən titullu yığma və hazırkı çempiondur, onun hesabında üç qələbə var. Almaniya futbolçuları iki dəfə, norveçli və yapon qadınlar isə hərəyə bir dəfə dünya birinciliyinin mükafatına sahib olublar.
Almaniya Azərbaycanı COP29-da dəstəkləməyə hazırdır
İlham Əliyev Almaniyaya işgüzar səfərə gəlib
Milli Məclisin sədri Monteneqroya rəsmi səfərə gedib
Xocalının Malıbəyli kəndində aşkarlanmış insan qalıqlarının sayı 8-ə çatıb
Prezidentinin Administrasiyasının may ayında vətəndaşların qəbulu CƏDVƏLİ
Azərbaycan-Ermənistan sərhəddə artıq 20 sərhəd dirəyi quraşdırılıb
Cüdoçumuz Avropa çempionatında gümüş medal qazanıb
"Bakcell" ilə innovasiya dövrü başlayır
Azərbaycan-Macarıstan enerji əməkdaşlığı müzakirə edilib
Milli Məclis Avropa Parlamentinin qətnaməsinə münasibət bildirib
Sadır Japarovun Azərbaycana rəsmi səfəri başa çatdı
Gələn həftə ibtidai siniflərdə əlavə yaz tətili başlanır
Azərbaycan-Qazaxıstan hərbi əməkdaşlığı müzakirə edilib
İlham Əliyevlə Sadır Japarov Ağdamda Şahbulaq qalasında olub
Bakıda dünya qastroenteroloqlarının konqresi işə başlayıb
Azərbaycan və Qırğızıstan prezidentləri Ağdam Konfrans Mərkəzində olublar
Macarıstan Qarabağın minalardan təmizlənməsinə dəstək verməyə hazırdır
Sabah Bakıda 29° isti olacaq
Baş Prokurorluqdan Nəsib Quliyevin intiharı ilə bağlı açıqlama
İlham Əliyevlə Sadır Japarov Ağdam Cümə məscidinin açılışında iştirak edib
Bakıda Türk dövlətləri parlamentlərinin komitə sədrlərinin iclası keçirilir
Macarıstan şirkətlərinin Qarabağın bərpasında iştirak edəcək
Azərbaycan və Qırğızıstan prezidentləri Ağdama səfər edib
Macarıstanın xarici işlər naziri Azərbaycana səfərə gəlib
“Qarabağ”la “Zirə” Azərbaycan Kubokunun finalına qarşılaşacaq