Bu gün Tehran şəhərinin polis idarəsi müxtəlif məhəllələrdə əməliyyat axtarış tədbirləri həyata keçirib.
YeniAvropa yerli mətbuata istinadla xəbər verir ki, əməliyyat nəticəsində 2 ton 293 kiloqram narkotik vasitə aşkarlanaraq müsadirə edilib. Tehran polisinin rəisi general Möhsün Xəncərli jurnalistlərə bildirib ki, narkotik vasitələrin qanunsuz satışı ilə məşğul olan 4 nəfər həbs edilib.
Rəis qeyd edib ki, İranda narkotik vasitələrin qaçaqmalçılığı, qanunsuz satışı və saxlanılmasına qarşı ciddi mübarizə aparılır. Narkotik vasitələr İrana əsasən Əfqanistandan daxil olur. General bildirib ki, ABŞ qoşunları 2001-ci ildə Əfqanistana daxil olduqdan sonra bu ölkədə narkotik maddələrin istehsalı və qanunsuz yollarla ixracı artıb.
2912
2912
