logo

“Böyük dəbilqə”: cüdoçumuz Hidayət Heydərov finala yüksəlib

16:57 11-05-2019 | icon 2821
“Böyük dəbilqə”: cüdoçumuz Hidayət Heydərov finala yüksəlib

Bakıda keçirilən  “Böyük dəbilqə” beynəlxalq turnirinin ikinci günündə Azərbaycan cüdoçusu Hidayət Heydərov (73 kq) finala vəsiqə qazanıb.

 YeniAvropa  xəbər verir ki, H.Heydərov əvvəlcə özbəkistanlı rəqibi Obidxon Nomonov, Macarıstan təmsilçisi Friqiyes Zaboyu, daha sonra rusiyalı Dmitri Yartsevi məğlub edərək yarımfinala adlayıb. O, yarımfinalda digər təmsilçimiz Rüstəm Orucovu məğlub edərək finala yüksəlib.

Qeyd edək ki, R.Orucov finala gedən yolda Kornel Andries (Moldova), Balbolda Bulqa (Monqolustan) və dörddəbir finalda almaniyalı Entoni Zinqanı məğlub edərək yarımfinala vəsiqə qazanıb. Olimpiya mükafatçısı bürünc medal uğrunda mübarizə aparacaq.

Xatırladaq ki, üç gün davam edəcək nüfuzlu yarışda 57 ölkədən 449 cüdoçu gücünü sınayır. Azərbaycan bu turnirdə 43 idmançı (28 oğlan, 15 qız) ilə təmsil olunur.