Yaponiyanın “Subaru Corp” şirkəti 2,27 milyon avtomobilini “dayan” siqnalının lampalarında olan nasazlığa görə geri çağırır.
YeniAvropa Yaponiya Nəqliyyat Nazirliyinə istinadla xəbər verir ki, əsasən 2008-ci ilin sentyabrından 2017-ci ilin martınadək buraxılan “Subaru Forester” və “Subaru Impreza” avtomobillərinin geri çağırılması nəzərdə tutulur. Daxili bazarda isə 306 min 728 avtomobilin geri çağırılacağı bildirilir.
Yerli "Kyodo" agentliyinin verdiyi məlumata əsasən, indiyədək Yaponiyada 1399 halda açarlarda problem aşkarlanıb. Həmin hadisələr zamanı xəsarət alan olmayıb. Müxtəlif ölkələrdən geri çağırılacaq avtomobillərin dəqiq sayı bildirilmir. Agentliyin məlumatına görə, bu, “Subaru” avtomobillərinin belə kütləvi şəkildə geri çağırıldığı ilk haldır.
3059
3059
