Beynəlxalq Futbol Tarixi və Statistikaları Federasiyası (İFFHS) klubların yeni dünya reytinqini açıqlayıb.
YeniAvropa qurumun rəsmi saytına istinadən xəbər verir ki, 702 komandanın yer aldığı siyahıya Azərbaycanın üç təmsilçisi düşüb.
Ötən ay 84-cü pillədə qərarlaşan “Qarabağ” irəliləyişə nail olub. Ağdam təmsilçisi hesabındakı 145,5 xalla 73-cü yerə yüksəlib. Azərbaycan çempionunun qabaqladığı nəhənglər sırasında “Seltik” (Şotlandiya), “Ayaks” (Niderland), “Əl-Nəsr” (Səudiyyə Ərəbistanı), “Çelsi”, “Tottenhem” (hər ikisi İngiltərə) kimi klublar da var.
“Sabah” və “Neftçi” isə, əksinə, geriləyiblər. Murad Musayevin çalışdırdığı “Sabah” 55,5 xalla 391-ci yerdən 436-cı pilləyə düşüb. Hesabında 53,75 xal olan “Neftçi” isə 378-ci pillədən 469-cu yerə enib.
Qeyd edək ki, dünya reytinqinə 359 xalla “Mançester Siti” başçılıq edir. İspaniya təmsilçisi “Real Madrid” (332) ikinci, İtaliya “İnter”i (289) isə üçüncü yeri tutublar.
1911
1911
