Bu gün "Qırmızı kitab" növü olan 10 mindən çox Xəzər qızılbalığı körpəsi populyasiyaya dəstək məqsədilə dənizə buraxılıb. Ümumilikdə isə bu il 7 milyondan çox balığın su hövzələrinə buraxılması nəzərdə tutulub.
YeniAvropa xəbər verir ki, bunu Bioloji Müxtəlifliyin Qorunması Xidmətinin rəisi Firuddin Əliyev jurnalistlərə müsahibəsində deyib.
Xidmət rəisi aprelin sonundan su hövzələrində balıq ovlanmasının qadağan ediləcəyini də diqqətə çatdırıb: "Həmin vaxtdan etibarən balıq ovlanması qanun pozuntusu hesab olunacaq. Qanunazidd hərəkətlərin qarşısı Ekologiya və Təbii Sərvətlər Nazirliyi və Su Nəqliyyatında Polis İdarəsi tərəfindən qətiyyətlə alınacaq. Odur ki, vətəndaşları qaydalara riayət etməyə və balıq populyasiyasının artırılmasına dəstək olmağa çağırıram".
2163
2163
