ABŞ Azərbaycan ilə “yaşıl enerji” istehsalı sahəsində əməkdaşlıq etməkdə maraqlıdır.
YeniAvropa xəbər verir ki, bu sözləri ABŞ ticarət nazirinin köməkçisi Arun Venkataraman Bakıda keçirilən Azərbaycan-ABŞ “Yaşıl enerji” forumunda çıxışında deyib.
Onun sözlərinə görə, Şərq-Qərb nəqliyyat dəhlizinin Azərbaycan ərazisindən keçməsi ABŞ-ın nəqliyyat sahəsində fəaliyyət göstərən şirkətlərinin ölkəmizə marağını artırır.
Arun Venkataraman qeyd edib ki, ABŞ Azərbaycanda “yaşıl enerji” istehsalı üçün yerli şirkətlərlə əməkdaşlıqda maraqlıdır. ABŞ-ın “Eksim” bankı Azərbaycanda həyata keçirilən “yaşıl enerji” layihələrinə dəstək göstərməyə hazırdır.
Azərbaycanın alternativ enerji mənbələrinə malik olması ABŞ şirkətlərinin marağına səbəb olub. Dünyada baş verən iqlim dəyişikliyi “yaşıl enerji”nin inkişafını zərurətə çevirib. Buna görə də Azərbaycanda “yaşıl enerji” istehsalını və dünya bazarlarına ixracını dəstəkləyəcək.
1589
1589
