Sahibə Qafarova TÜRKPA Katibliyi ilə tanış olub
Milli Məclisin sədri Sahibə Qafarova Türkdilli Ölkələrin Parlament Assambleyasının (TÜRKPA) Katibliyində olub.
Milli Məclisin Mətbuat və ictimaiyyətlə əlaqələr şöbəsindən YeniAvropa-ya bildirilib ki, Sahibə Qafarovanı TÜRKPA-nın baş katibi Süreyya Er qarşılayıb.
Sonra Milli Məclisin sədri Katibliyin inzibati binasının həyətində ağac əkib. Sahibə Qafarova Katibliyin inzibati binası ilə tanış olub, burada yaradılan iş şəraiti ilə maraqlanıb.
Daha sonra sədr Katibliyin kollektivi ilə görüşüb. Sahibə Qafarova kollektivi səmimiyyətlə salamlayaraq, qeyd edib ki, Azərbaycan Milli Məclisi TÜRKPA yarandığı dövrdən bu təşkilatla əməkdaşlığa önəm verib və təşkilatın fəaliyyətinə diqqət və qayğı göstərib. Onun sözlərinə görə, TÜRKPA-nın fəaliyyəti dövlətlərimiz və xalqlarımız arasında mövcud olan dostluq və qardaşlıq münasibətlərinin dərinləşməsinə xidmət edir.
Milli Məclislə TÜRKPA arasında münasibətlərin yüksək səviyyədə inkişaf etməsindən məmnunluğunu bildirən sədr deyib ki, parlamentimiz təşkilata üzv olan ölkələrin qanunverici orqanları ilə geniş əməkdaşlıq əlaqələrinə malikdir. Ötən dövr ərzində təşkilata üzv parlamentlər arasında əməkdaşlıq daha da inkişaf edib. TÜRKPA-nın ayrı-ayrı komissiyalarının iclaslarının və ölkələrimizi maraqlandıran müxtəlif mövzulara həsr edilmiş seminarların keçirilməsi, model qanunların işlənib hazırlanması, seçki və referendum müşahidə missiyalarının təşkili, beynəlxalq parlament təşkilatları çərçivəsində birgə fəaliyyətimiz səmərəli əməkdaşlığımızın mühüm göstəriciləridir.
Azərbaycan parlamentinin sədri xatırladıb ki, Milli Məclisin təşkilatçılığı ilə Bakı şəhərində TÜRKPA-nın komissiya iclası, seminarı, konfrans və görüşləri keçirilib. Digər tərəfdən, üzv parlamentlərin nümayəndələri ölkəmizin 44 günlük Vətən müharibəsi nəticəsində işğaldan azad edilmiş ərazilərinə, o cümlədən Azərbaycanın mədəniyyət paytaxtı, 2023-cü ildə “Türk Dünyasının Mədəniyyət Paytaxtı” Şuşa şəhərinə səfər ediblər. Qardaş ölkələrimizin parlament üzvləri Ermənistanın işğalı dövründə törədilmiş vəhşiliklərin və dağıntıların şahidi olmaqla yanaşı, işğaldan azad edilmiş ərazilərdə ölkəmiz tərəfindən həyata keçirilən genişmiqyaslı bərpa və yenidənqurma işləri ilə də tanış olublar.
Qeyd olunub ki, TÜRKPA çərçivəsində model qanunların təqdim edilməsi ilə bağlı Milli Məclis Aparatında müsbət əməkdaşlıq təcrübəsi formalaşıb. TÜRKPA-da qəbul edilən 7 model qanundan 5-nin ilkin layihəsi Milli Məclis tərəfindən təqdim edilib. Milli Məclis təşkilata üzv olan ölkələrin parlamentləri ilə qanunvericilik təcrübəsinin bölüşməsində maraqlıdır.
Milli Məclisin sədri Katiblikdə çalışan heyətin fəaliyyətini müsbət qiymətləndirib. O, təşkilatda əlverişli işgüzar mühitin yaradıldığını qeyd edərək, inamını ifadə edib ki, burada çalışan əməkdaşlar öz təcrübə, bilik və bacarıqlarını bundan sonra da təşkilatın səmərəli fəaliyyətinə yönəldəcəklər.
Göstərilən yüksək diqqətə və təşkilata verilən dəstəyə görə Milli Məclisin sədrinə minnətdarlığını bildirən TÜRKPA-nın Baş katibi Süreyya Er Katibliyin fəaliyyəti haqqında geniş məlumat verib.
Tovuz rayonunda yük maşını körpüdən çaya aşıb
İlham Əliyev Rusiyanın baş ravvinini qəbul edib
Rusiyadan idxal olunan kartofda zərərli orqanizm aşkarlanıb
VI Ümumdünya Mədəniyyətlərarası Dialoq Forumu çərçivəsində nazirlərin 5-ci görüşü keçirilir
İstanbulda 1 May faciəsi qurbanlarının xatirəsi anılıb
“Naxçıvan Bank”ın səhmlərinin bir hissəsini “Kapital Bank” alıb
Mədəniyyətlərarası Dialoq Forumu çərçivəsində Dini Liderlərin Bakı görüşü keçirilir
Azərbaycanın neft və qazının satış qiymətləri üzrə proqnoz açıqlanıb
İlham Əliyev TDT ölkələrinin din rəhbərlərini qəbul edib
Sabah Bakıda güclü külək əsəcək, 23° isti olacaq
İlham Əliyev Rusiyanın Şimali Qafqaz regionunun bir qrup müftilərini qəbul edib
Türkiyədə ölkədaxili reyslərdə aviabiletlər 30 % bahalaşıb
Bu il inflyasiya 3,5%, gələn il isə 4,2 % təşkil edəcək-AMB sədri
Suqovuşanda “Prezident Kuboku-2024” reqatasının açılış mərasimi keçirilib
Qərbi Azərbaycan Televiziyasının binasının açılışı olub
Azərbaycan əsrlər boyu mədəniyyətlərin qovuşduğu məkan olub-İlham Əliyev
Bu gündən vətəndaşlara tibbi arayışlar elektron şəkildə veriləcək
Ötən gün cinayət törətməkdə şübhəli bilinən 26 nəfər saxlanılıb
Naxçıvanda “QHT-lərin IV İnkişaf və Mübadilə Proqramı” başa çatıb
Bu gündən Azərbaycanda balıq ovuna moratorium qüvvəyə minir
İlham Əliyev Bakıda VI Ümumdünya Mədəniyyətlərarası Dialoq Forumunun açılış mərasimində iştirak edir
Azərbaycan nefti 89,10 dollara satılır
Bu gündən birinci siniflərə şagird qəbulu başlanır
Bakıda havada tozun miqdarı normadan artıqdır
Xəzər dənizində dalğanın hündürlüyü 2 metrə çatır-Faktiki hava