Sumqayıt şəhəri Xəzər bağlar massivində yaşayan 82 yaşlı Yunus Hüseynov cari il yanvarın 31-də gəzmək adı ilə yaşadığı evdən çıxaraq bir daha geri qayıtmayıb.
Daxili İşlər Nazirliyinin mətbuat xidmətindən YeniAvropa-ya bildiriblər ki, boyu 165 santimetr olan Y.Hüseynov arıq bədən quruluşlu, ağbənizdir, qısa saçları ağarıb. Gözlərinin rəngi qəhvəyidir və sifətində digər fərqləndirici əlamətləri yoxdur.
Y.Hüseynov evdən çıxarkən əynində qara rəngli qış gödəkcəsi, göy rəngdə cins şalvar, qəhvəyi rəngdə pulover, başında qara papaq (kepka), ayağında qara ayaqqabı olub.
Şəkildə gördüyünüz şəxsi tanıyanlardan və ya barəsində məlumatı olanlardan Daxili İşlər Nazirliyinin 102 - Zəng Mərkəzinə, həmçinin Sumqayıt Şəhər Polis İdarəsinə (018) 65-4-02-02, (077) 458-17-18) zəng vuraraq məlumat vermələri xahiş olunur.
2492
2492
