"COVİD-19"u yüngül keçirənlər 10, ağır keçirənlər 20 gündən sonra başqalarını yoluxdurmurlar
Virus infeksiyasından sağalan xəstələrin təcridolunma müddəti barədə müxtəlif fikirlər mövcuddur. Hətta virusun 35-90 günə qədər yoluxdurması barədə də nəzəriyyələr var.
YeniAvropa xəbər verir ki, bu barədə Nazirlər Kabineti yanında Operativ Qərargahın bu gün təşkil etdiyi mətbuat konfransında Mərkəzi Neftçilər Xəstəxanasının həkim-infeksionisti Fərrux Sədirov məlumat verib.
Həkim-infeksionist deyib: “Lakin Amerikanın Xəstəliklərin Kontrolu Mərkəzinin bütün dünyada apardığı araşdırmalara əsasən xəstəliyi yüngül formada keçirənlərin 10 gündən, xəstəliyi ağır keçirənlərin isə 20 gündən sonra praktiki olaraq başqalarını yoluxdurmadığı və bununla əlaqədar təcridolma tədbirləri görülməsini məsləhət görüb. Xəstələr tamamilə müalicə olunduqdan sonra evə göndərilir”.
2737
2737
