Bu il Həcc ziyarətinin ləğv olunması ilə Səudiyyə Ərəbistanından rəsmi bildiriş gəlib.
YeniAvropa xəbər verir ki, bu barədə Qafqaz Müsəlmanları İdarəsi(QMİ) məlumat yayıb. Məlumatda qeyd edilir ki, bu səbəbdən Azərbaycandan Həcc ziyarətinə sənəd qəbulu da ləğv edilib. Həcc ziyarəti üçün ödəniş edənlərin vəsaitlərinin özlərinə qaytarılmasına başlanılıb. Ziyarət üçün ödənilən vəsait tam şəkildə birdəfəlik ödəmə ilə şəxsin özünə qaytarılacaq : " 250 qədər insan Həcc ziyarətinə getmək üçün müraciət etmişdi və onlardan 150 nəfərə qədəri ödənişi etmişdi. Artıq ödənişlərin qaytarılmasına başlanılıb və hər kəsin vəsaiti özünə qaytarılacaq".
Qeyd edək ki, Azərbaycanda Həcc ziyarətinə sənəd qəbuluna yanvarın 27-də başlanılıb. Karantin rejimi tətbiq olunana qədər 250-dən çox insan Həcc ziyarətinə getmək üçün müraciət edib. Martın 24-dən Həcc ziyarətinə sənəd qəbulu dayandırılıb.
xatırladaq ki, bir nəfər üçün ziyarətin qiyməti 4 490 dollar təşkil edib. Ötən il isə bu məbləğ 4 285 dollar olub. Builki qiymət artımı hotel xidmətlərinin bahalaşması və viza rüsumunun tətbiq edilməsi ilə bağlıdır.
3654
3654
