Tibbi Ərazi Bölmələrini İdarəetmə Birliyi (TƏBİB) Azərbaycanda koronavirusla bağlı bugünkü test sayını açıqlayıb.
YeniAvropa xəbər verir ki, bu gün ölkədə COVID-19-la bağlı 5 809 test aparılıb.
Bununla da ölkədə koronavirusla bağlı ümumi test sayı 349 200-ə çatıb.
Xatırladaq ki, bu gün ölkədə koronavirus infeksiyasına 315 yeni yoluxma faktı qeydə alınıb, 229 nəfər müalicə olunaraq sağalıb və evə buraxılıb. COVID-19 üçün götürülən analiz nümunələri müsbət çıxmış 5 nəfər vəfat edib.
Hazırkı dövrədək Azərbaycanda ümumilikdə 8 191 nəfərin koronavirus infeksiyasına yoluxması faktı müəyyən edilib, onlardan 4 606 nəfər müalicə olunaraq sağalıb, 98 nəfər vəfat edib, 3 487 nəfərin xüsusi rejimli xəstəxanalarda müalicəsi davam etdirilir.
2226
2226
