Nəsimi və Suraxanı rayonlarında oğurluqla məşğul olan şəxslər tutulublar.
Daxili İşlər Nazirliyinin mətbuat xidmətindən YeniAvropa-ya bildiriblər ki, Şəmkir rayonu ərazisindəki bir ofisdən noutbuk, iki mağazadan 500 manat məbləğində pul və 600 manat dəyərində mobil telefon oğurlamaqda şübhəli bilinən Şəmkir rayon sakini S.Pənahov Nəsimi rayon Polis İdarəsinin 19-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində saxlanılıb.
İyunun 7-də Suraxanı rayonu ərazisindəki iki evdən ümumilikdə iki mobil telefon, 230 manat dəyərində oyun aparatı və məişət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş E.Şahbazov Suraxanı rayon Polis İdarəsinin 30-cu polis şöbəsi əməkdaşlarının keçirdikləri əməliyyat-axtarış tədbirləri nəticəsində yaxalanıb.
Hər iki faktla bağlı araşdırma aparılır.
2114
2114
