Çavuşoğlu: “Atəşkəslə birgə Ermənistana Azərbaycan ərazilərindən çəkil çağırışı da olmalıdır”

16:18 13-10-2020 | 1876

"Azərbaycanın verəcəyi qərarı hər şərtdə masada və meydanda dəstəkləyəcəyik”.

YeniAvropa yerli mətbuata istinadla xəbər verir ki, bu fikri Türkiyənin xarici işlər naziri Mövlud Çavuşoğlu Ankarada İsveçin xarici i.lər naziri Ann Linde ilə görüşdən sonra keçirilən mətbuat konfransında səsələndirib.

O, heç bir dövlətin müharibə istəmədiyini deyib.

"Heç kəs müharibə istəməz. Atəşkəs çağırışlarından əlavə, Ermənistana da Azərbaycan ərazilərindən çəkil çağırışı olarsa, BMT Təhlükəsizlik Şurası və ATƏT-in qərarları xatırladaraq çağırışlar edilərsə, o zaman beynəlxalq ictimaiyyətin bu problemi həll etmə arzunu görə bilərik. Ancaq bu çağırış, təəssüf ki, edilmir. Ukrayna və Gürcüstandakı vəziyyəti dəyərləndirərkən ATƏT daxil olmaqla hamımız deyirik ki, Rusiya və ya oradakı ünsürlər oradan çəkilməlidir, ora Gürcüstan və Ukrayna əraziləridir. Amma Qarabağ məsələsində eyni çağırışı etmirik”, - deyə Mövlud Çavuşoğlu vurğulayıb.