logo

Belçika tarixində ilk dəfə qadın baş nazir oldu

13:55 28-10-2019 | icon 259
Belçika tarixində ilk dəfə qadın baş nazir oldu

Belçikanda ölkənin indiki müvəqqəti hökumətində büdcə məsələləri üzrə nazir Sofi Vilmes baş nazir Çarlz Mişeli əvəz edib. Beləliklə, Vilmes Belçika tarixində ölkədə hökumətinə başçılıq edəcək ilk qadın olub. 

YeniAvropa xarici KİV-ə istinadla xəbər verir  ki, bu haqda qərar ölkənin əsas nazirlərinin iştirak etdiyi iclasda qəbul olunub və dünən axşam elan edilib.

Xatırladaq ki, Çarlz Mişel Avropa Şurasının prezidenti vəzifəsinə keçməsi ilə əlaqədar cümə günü baş nazir vəzifəsindən istefa verdiyini elan edib. 44 yaşlı Vilmes isə, dünən yeni baş nazir kimi and içib.

Vilmes andiçmə mərasimindən dərhal sonra jurnalistlərə deyib: “Mən gündəlik məsələlərdə sabitliyi və siyasətin varisliyini təmin etmək üçün əlimdən gələni əsirgəməyəcəm”.

Qeyd edək ki, Sofi Vilmes universiteti bitirəndən sonra Avropa Komissiyasında işləyib, dörd il bundan əvvəl Belçika hökumətində federal nazir təyin edilib. Vilmesin bu ali hökumət vəzifəsində nə qədər qalacağı hələ məlum deyil. Bu, davam edən danışıqların nəticəsindən asılı olacaq, lakin həmin danışıqlar nəticəsində Vilmesin yeni koalisiyalı hökumətdə baş naziri olacağı istisna edilmir.

Sofi Vilmesdən sonra boş qalmış büdcə məsələləri üzrə nazir vəzifəsini Devid Klarinval tutacaq.