Bayden Ukraynaya fəal dəstəyinə görə Almaniyaya təşəkkür edib
Almaniyaya səfərə gələn ABŞ prezidenti Cozef Baydenin oktyabrın 18-də Berlində "Bellevue" sarayında Federal prezident Frank-Valter Ştaynmayer ilə görüşü olub.
YeniAvropa xəbər verir ki, əvvəlcə ABŞ prezidentinin rəsmi qarşılanma mərasimi keçirilib.
Dövlət başçılarının görüşündən sonra Cozef Baydenin "Almaniya-Amerika dostluğuna və Trans-Atlantik ittifaqına" xidmətlərinə görə "Federal xidmətlərə görə" ordeninin xüsusi dərəcəsi ilə təltif olunması mərasimi təşkil edilib.
Mərasimdə çıxış edən Frank-Valter Ştaynmayer Cozef Baydenin iki ölkə arasındakı münasibətlərin inkişafında xidmətlərini vurğulayaraq bildirib: “ABŞ ilə dostluq həm təhlükəsizliyimiz, həm də demokratiyamız üçün həyati əhəmiyyət kəsb edib, edir və edəcək”.
Cozef Bayden çıxışında Almaniyanın Ukraynaya fəal dəstəyinə görə təşəkkür edərək bildirib. ABŞ prezidenti Almaniyanın Ukraynanın qalib gəlməsi və NATO-nun həmişəkindən daha güclü olması üçün yorulmadan çalışdığını deyib.
Qeyd edək ki, Cozef Bayden bu ordenə layiq görülən ikinci ABŞ Prezidentidir. 1993-cü ildə ABŞ-ın 41-ci prezidenti Corc Buş (ata) Almaniyanın birləşməsindəki xidmətlərinə görə bu ordenlə təltif olunub.
Birləşmiş Ştatların dövlət başçısı səfər çərçivəsində bu gün, həmçinin Almaniyanın Federal Kansleri Olaf Şoltsla görüşüb.
Səfər çərçivəsində Olaf Şolts, Cozef Bayden, Fransa prezidenti Emmanuel Makron və Böyük Britaniyanın baş naziri Kir Starmer arasında dördtərəfli görüşün keçirilməsi də planlaşdırılır.
Cozef Baydenin Berlindəki görüşlərində Ukraynaya dəstək verilməsi, Yaxın Şərqdə vəziyyət və digər məsələlərin müzakirə olunması gözlənilir.
Xatırladaq ki, bu, Cozef Baydenin dördillik prezidentliyi dövründə Berlinə ilk səfəridir. O, 2022-ci ildə Bavariyadakı Elmau şəhərində keçirilən G7 Sammitində iştirak edib. Prezident, həmçinin ötən il oktyabrın 7-də HƏMAS-ın hücumundan sonra İsrail səfərindən qayıdarkən prezident təyyarəsinə yanacaq doldurulması üçün Ramşteyn şəhərindəki ABŞ hərbi bazasında olub.
Cozef Baydenin oktyabrın 10-dan 12-dək Almaniyaya planlaşdırılan səfəri “Milton” qasırğası səbəbindən təxirə salınmışdı. Həmin səfər zamanı Ramşteyn bazasında Ukraynaya dəstək verən ölkələrin geniş tərkibli görüşü nəzərdə tutulmuşdu.
İlham Əliyev bir qrup energetiki orden və medallatla təltif edib
Şəhid jurnalistlərlə bağlı videoçarx hazırlanıb
Heyvanlarla işgəncə verənlər 2000 manat cərimə olunacaqlar
Bayden Ukraynaya fəal dəstəyinə görə Almaniyaya təşəkkür edib
Azərbaycan-İtaliya hərbi əməkdaşlığı müzakirə edilib
Tovuzda iki "Jiquli" toqquşdu:7 yaralı xəstəxanaya yerləşdirilib
Milli Məclisin növbəti plenar iclasının vaxtı açıqlanıb
“Qarabağ”–“Ayaks” oyununa 1 gündə 20 minə yaxın bilet satılıb
Ehtiyatda olan hərbçilər ildə 1 dəfə toplanışlara çağırılacaqlar
Orduda silah və texnika payız-qış mövsümü istismar rejiminə keçirilir
İstanbulda “3+3” formatında XİN rəhbərlərinin görüşü keçirilir
Sabah Bakıda yağış yağacaq, 17° isti olacaq
Azərbaycanda bələdiyyələrin sayı 2 dəfədən çox azaldılır
“Bakcell” BMT-nin Qlobal Sazişinə qoşulub
Faktiki hava: Talaçay, Kürmükçay və Zəyəmçaydan sel keçir
"COP29"a hazırlıq: Paytaxtda bir sıra yollar 4 saatlıq bağlanacaq
Gələn il Azərbaycanda səhiyyə profilli QHT-lərin Forumu keçiriləcək
Gəncədə yaşayış binasında partlayış: 2 nəfər ölüb,4 nəfər yaralanıb
Azərbaycanın dövlət müstəqilliyini bərpasından 33 il ötür
Cozef Bayden Ukraynaya dəstək üçün Almaniyaya gəlib
Qəbələdə tüfənglər işə düşdü:2 ölü 1 yaralı
Messi tarixin ən yaxşı futbolçusu seçilib
Avropa çempionatı: 3 boksçumuz finala yüksəlib
İsrail HƏMAS liderini öldürdüyünü ABŞ-a təsdiqləyib
AQTA paytaxtdakı “Sarı Sünbül” iaşə obyektini bağlatdırdı