Tailand şirkətləri Qarabağın bərpasına maraq göstərirlər
Azərbaycanın Malayziyada, eyni zamanda, Tailand Krallığında akkreditə olunmuş səfiri İrfan Davudovun Tailanda işgüzar səfər zamanı keçirilmiş görüşlərdə iki ölkə arasında müxtəlif sahələrdə münasibətlərin inkişafı məsələləri müzakirə olunub.
Səfirlikdən YeniAvropa-ya bildirilib ki, səfir İ.Davudov səfər çərçivəsində Tailand Krallığı Milli Assambleyasının sədri, Nümayəndələr Palatasının spikeri Van Muhamad Noor Matha, Tailand Senatının üzvü Suvat Chirapant, Baş nazirin müşaviri və Tailandın ticarət nümayəndəsi xanım Nalinee Taveesin, Xarici İşlər Nazirliyinin daimi katibi Sarun Chareonsuvan, Tailand İnvestisiya Şurasının baş katibi Narit Therdsteerasukdi, Tailand Mina Təmizləmə Mərkəzinin baş direktoru, general-mayor Sorravat Patamakom ilə görüşüb. Görüşlərdə ölkələrimiz arasında münasibətlərin, o cümlədən parlamentlərarası əlaqələrin inkişaf perspektivlərinə, beynəlxalq təşkilatlar çərçivəsində əməkdaşlığın genişləndirilməsinə dair fikir mübadiləsi aparılıb. Tailand rəsmilərinə 44 günlük Vətən müharibəsində, həmçinin cari ilin sentyabrında həyata keçirilmiş lokal xarakterli antiterror tədbirləri zamanı Azərbaycanın beynəlxalq hüququn norma və prinsipləri çərçivəsində legitim üsullarla öz əraziləri üzərində suverenliyini bərqərar etməsi, bunun nəticəsi kimi regionda yaranan yeni reallıqlar, sülhün və təhlükəsizliyin möhkəmləndirilməsi istiqamətində Azərbaycanın təşəbbüsləri, atdığı addımlar barədə məlumat verilib.
Azərbaycanla Tailand arasında iqtisadi-ticari əlaqələrin genişləndirilməsi, ölkəmizin vətəndaşları üçün Tailand vizasının alınması prosedurunun sadələşdirilməsi, qarşılıqlı səfərlərin təşkili, iki ölkə arasında müqavilə-hüquq bazasının təkmilləşdirilməsi, ölkəmizdə, xüsusilə azad edilmiş ərazilərdə investisiya imkanları, burada həyata keçirilən bərpa-quruculuq işlərində Tailand şirkətlərinin iştirakı imkanları, işğaldan azad olunmuş ərazilərin minalardan və partlamamış hərbi sursatlardan təmizlənməsində Tailand tərəfi ilə texniki əməkdaşlıq və digər məsələlər barədə müzakirələr aparılıb.
Səfər zamanı səfir “Wincoast Industrial Park” sənaye zonasını ziyarət edib, zonanın idarəetmə şurasının, eyni zamanda, günəş enerjisi istehsalı sahəsində ixtisaslaşmış “Solar Roof Top Project” şirkətinin rəhbəri Jak Chamikorn ilə də görüş keçirib. Görüşdə ölkələrimiz arasında bərpaolunan enerji sahəsində əməkdaşlıq məsələləri müzakirə edilib.
İtkin düşmüş 7 nəfər tapılaraq aidiyyəti üzrə təhvil verilib-DİN
Bu il də 150 bal ali məktəbə qəbul üçün yetərli olacaq
"Şahdağ"da qar örtüyünün hündürlüyü 5 sm-ə çatır
Azərbaycan nefti 84,82 dollara satılır
Ötən gün cinayət törətməkdə şübhəli bilinən 53 nəfər saxlanılıb
Müdafiə Nazirliyinin rəhbər heyəti hərbi vəzifəlilərlə görüşüb
Həştərxanda Xəzər Media Forumu keçiriləcək
Aleksandr Lukaşenkonun Azərbaycana rəsmi səfəri başa çatıb
“Azercell” ADA-nın Karyera Hazırlığı Həftəsində iştirak edib
Kazanda İƏT Gənc Sahibkarların X Beynəlxalq Forumu keçirilir
İlham Əliyev və Aleksandr Lukaşenko mətbuata bəyanatlarla çıxış ediblər
Azərbaycan-Belarus sənədləri imzalanıb
Azərbaycanda əhalinin sayı 10 milyon 190 min nəfərə çatır
İlham Əliyevin Aleksandr Lukaşenko ilə geniş tərkibdə görüşü keçirilib
Rusiya-Çin ticarət dövriyyəsi 240 milyard dollara yüksəlib
Sabah Bakıda arabir yağış yağacaq,17° isti olacaq
Fransadan Azərbaycana qarşı qarayaxma kampaniyasını dayandırmağı tələb edirik-XİN
Nobel mükafatı laureatı Əziz Səncər Azərbaycana gələcək
Azərbaycan və Belarus prezidentlərinin təkbətək görüşü olub
Sahibə Qafarova İsveçrəyə işgüzar səfərə gedib
“Kənddən Şəhərə” həftəsonu yarmarkası təşkil ediləcək
Qaradağ rayon İcra Hakimiyyətinin vəzifəli şəxsi rüşvət alarkən yaxalanıb
Ermənistanın qanunsuz dağ-mədən fəaliyyətini ifşa edən xəritə hazırlanıb
Belarus prezidentinin Bakıda rəsmi qarşılanma mərasimi olub
Azərbaycanda apreldə gündəlik neft hasilatı 596 min barel olub