Qırğızıstan və Azərbaycan arasında iqtisadi və humanitar sahələrdə əməkdaşlıq üzrə birgə hökumətlərarası Komissiyanın beşinci iclası çərçivəsində Qırğızıstan-Azərbaycan biznes forumu təşkil olunacaq.
YeniAvropa xəbər verir ki, bu barədə Qırğızıstan prezidenti yanında Milli İnvestisiya Agentliyi məlumat yayıb. Bildirilib ki, tədbir iyulun 26-da Çolpon-Ata şəhərində keçiriləcək.
Biznes forumu Qırğız Respublikası ilə Azərbaycan Respublikası arasında ikitərəfli əməkdaşlığın inkişafı, iki ölkənin biznes nümayəndələri arasında münasibətlərin qurulması üçün mühüm tədbirdir.
Biznes-forumda turizm, sənaye, kənd təsərrüfatı, yüngül sənaye, səhiyyə, mehmanxana və restoran biznesi, memarlıq və inşaat, informasiya texnologiyaları, logistika və beynəlxalq daşınma, marketin və konsaltinq kimi sahələrdə əməkdaşlıq məsələləri nəzərdən keçiriləcək.
1708
1708
