Bakıda “Medinex”- Beynəlxalq Tibb İnnovasiyaları Sərgisi keçiriləcək
Noyabrın 3-dən 5-nə kimi Bakıda səhiyyə sahəsinin peşəkarlarını bir araya gətirən Azərbaycan Beynəlxalq Tibb İnnovasiyaları Sərgisi “Medinex” keçiriləcək. Sərgidə aparıcı yerli və beynəlxalq istehsalçılar, eləcə də distribütorlar ölkənin səhiyyə klinikalarını təkmilləşdirməyə və müalicənin effektivliyini artırmağa kömək etmək məqsədilə öz yeni məhsul və xidmətlərini nümayiş etdirəcəklər.
YeniAvropa xəbər verir ki, bu barədə “Caspian Events Organisers” şirkətindən bildirilib.
Qeyd edilib ki, tibb və səhiyyə innovasiyalarını əhatə edən, Qafqaz regionunda ən iri və Azərbaycanda professional genişmiqyaslı tədbir olan “Medinex” sərgisinin hər il dövlət səviyyəsində dəstəklənməsi və geniş beynəlxalq tərkibi sərginin uğurlu keçməsinin əsas səbəblərindəndir.
“Medinex” sərgisinin təşkilatçısı olan “Caspian Events Organisers” şirkətinin baş direktoru Fərid Məmmədov bildirib ki, Azərbaycanda vətəndaşların keyfiyyətli tibbi xidmətlə təmin olunması prezident İlham Əliyevin yürütdüyü sosial siyasətin əsas istiqamətlərindən biridir və bu sahədə mühüm addımlardan biri olan icbari tibbi sığortanın tətbiqi özünü uğurla doğrultmaqdadır.
“Bizim üçün çox sevindirici haldır ki, İcbari Tibbi Sığorta üzrə Dövlət Agentliyi “Medinex” Azərbaycan Beynəlxalq Tibb İnnovasiyaları Sərgisinin rəsmi dəstəkçisidr. İnanıram ki, əməkdaşlığımız məhsuldar olacaq və gələcək illərdə birgə fəaliyyətimizlə səhiyyə sahəsinə uğurlu töhfə verəcəyik”, - deyə baş direktor əlavə edib.
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev bildirib ki, son illər ərzində səhiyyə sahəsində qazanılmış nailiyyətlər Azərbaycanın beynəlxalq aləmdə nüfuzunun artmasına səbəb olub: “Dövlət başçısının rəhbərliyi, Birinci vitse-prezidentin dəstəyi ilə səhiyyədə əldə olunan əsas nailiyyətlərdən biri ölkə üzrə icbari tibbi sığortanın tətbiqidir”.
COVID-19 mövzusuna da toxunan Z.Əliyevin sözlərinə görə dünyada hökm sürən pandemiyanın səhiyyə xidmətlərinə olan tələbatı artırması bu sahənin inkişafına yeni imkanlar açır: “Xəstəliklərə qarşı yüksək səviyyədə mübarizə aparmaq tibbi xidmətlərin keyfiyyətinin artırılması, səhiyyənin maddi-texniki təminatının möhkəmləndirilməsi və tibb heyətinin peşəkarlığının yüksəldilməsi ilə mümkündür”.
Z.Əliyevin sözlərinə görə “Medinex” sərgisi təşkil olunduğu vaxtdan bu günədək yerli və xarici şirkətlər, dövlət müəssisələri arasında əməkdaşlığın qurulması və inkişaf etdirilməsi üçün əhəmiyyətli beynəlxalq platformaya çevrilib. Mühüm səhiyyə tədbirində iştirak şirkətlərin beynəlxalq əməkdaşlıq əlaqələrinin müzakirəsinə imkan yaradır.
Xatırladaq ki, tibdə informasiya texnologiyaları, dərman vasitələri, laboratoriya texnologiyaları, tibbi turizm, tibbi təhsil kimi sahələri əhatə edən “Medinex” sərgisi tibb sahəsində müasir innovasiyalar platforması və naviqator hesab olunur.
İtkin düşmüş 7 nəfər tapılaraq aidiyyəti üzrə təhvil verilib-DİN
Bu il də 150 bal ali məktəbə qəbul üçün yetərli olacaq
"Şahdağ"da qar örtüyünün hündürlüyü 5 sm-ə çatır
Azərbaycan nefti 84,82 dollara satılır
Ötən gün cinayət törətməkdə şübhəli bilinən 53 nəfər saxlanılıb
Müdafiə Nazirliyinin rəhbər heyəti hərbi vəzifəlilərlə görüşüb
Həştərxanda Xəzər Media Forumu keçiriləcək
Aleksandr Lukaşenkonun Azərbaycana rəsmi səfəri başa çatıb
“Azercell” ADA-nın Karyera Hazırlığı Həftəsində iştirak edib
Kazanda İƏT Gənc Sahibkarların X Beynəlxalq Forumu keçirilir
İlham Əliyev və Aleksandr Lukaşenko mətbuata bəyanatlarla çıxış ediblər
Azərbaycan-Belarus sənədləri imzalanıb
Azərbaycanda əhalinin sayı 10 milyon 190 min nəfərə çatır
İlham Əliyevin Aleksandr Lukaşenko ilə geniş tərkibdə görüşü keçirilib
Rusiya-Çin ticarət dövriyyəsi 240 milyard dollara yüksəlib
Sabah Bakıda arabir yağış yağacaq,17° isti olacaq
Fransadan Azərbaycana qarşı qarayaxma kampaniyasını dayandırmağı tələb edirik-XİN
Nobel mükafatı laureatı Əziz Səncər Azərbaycana gələcək
Azərbaycan və Belarus prezidentlərinin təkbətək görüşü olub
Sahibə Qafarova İsveçrəyə işgüzar səfərə gedib
“Kənddən Şəhərə” həftəsonu yarmarkası təşkil ediləcək
Qaradağ rayon İcra Hakimiyyətinin vəzifəli şəxsi rüşvət alarkən yaxalanıb
Ermənistanın qanunsuz dağ-mədən fəaliyyətini ifşa edən xəritə hazırlanıb
Belarus prezidentinin Bakıda rəsmi qarşılanma mərasimi olub
Azərbaycanda apreldə gündəlik neft hasilatı 596 min barel olub