Dünya Güləş Birliyi(UWW) Rusiya təmsilçilərini öz bayrağı altında keçirilən yarışlardan kənarlaşdırıb.
YeniAvropa UWW-nin rəsmi saytına istinadən xəbər verir ki, qərar Rusiya qoşunlarının Ukraynaya hücumu ilə əlaqədar qəbul olunub.
Güləşçilərlə yanaşı, Rusiyadan olan rəsmilər də yarışlarda iştirak edə bilməyəcəklər. Bəyanatda Rusiyada keçirilməsi planlaşdırılan bütün beynəlxalq turnirlərin ləğvindən də bəhs edilir. Eyni sanksiyalar Belarus nümayəndələrinə də tətbiq olunacaq.
UWW Bürosu vəziyyətin inkişafı ilə bağlı əlavə qərarlar veriləcəyini açıqlayıb.
3318
3318
