"Pekin-2022" Qış Olimpiya Oyunlarında xokkey yarışına yekun vurulub.
YeniAvropa xəbər verir ki, final oyununda Rusiya və Finlandiya milli komandaları üz-üzə gəliblər. Qarşılaşma Skandinaviya təmsilçisinin 2:1 hesablı qələbəsi ilə başa çatıb.
Finlandiyalıların heyətində qolları 24-cü dəqiqədə Ville Pokka və 41-ci dəqiqədə Hannes Byörninen vurublar. Rusiya yığmasının yeganə qoluna isə 8-ci dəqiqədə Mixail Qriqorenko imza atıb.
Qeyd edək ki, Finlandiya yığması tarixində ilk dəfə olimpiya çempionu olub. Rusiya seçməsi isə sonuncu dəfə 2018-ci ildə Cənubi Koreyanın Pxençxanq şəhərində keçirilmiş Qış Olimpiya Oyunlarında qızıl medallara sahib çıxıb.
Ümumilikdə olimpiya "qızıl"ı indiyədək 9 ölkəyə qismət olub. Finlandiyadan əlavə, Kanada 9 dəfə , keçmi SSRİ yığması 7 dəfə, ABŞ və İsveç 2, Böyük Britaniya, Çexiya, MDB və Rusiya milli komandaları hərəyə 1 dəfə çempion titulunu əldə edib.
2800
2800
