Mehman Ramazanzadə“Pekin-2022” Qış Paralimpiya Oyunlarında Azərbaycanın bayraqdarı olacaq
“Pekin-2022” XIII Qış Paralimpiya Oyunlarında iştirak edəcək Azərbaycan komandasının şef-de missionu və bayraqdarı müəyyənləşib.
YeniAvropa xəbər verir ki, Azərbaycan Milli Paralimpiya Komitəsinin (AMPK) prezidenti İlqar Rəhimovun qərarına əsasən, Rauf Mürsəlov Azərbaycan komandasının şef-de-missionu təyin edilib. İdmançımız Mehman Ramazanzadə isə açılış mərasimində millimizin bayraqdarı olacaq.
Qeyd edək ki, AMPK-nın qış idman növləri üzrə milli komandasının üzvü ilk dəfə olaraq Qış Paralimpiya Oyunlarında iştirak edəcək.
Milli Paralimpiya komandamızın üzvü M.Ramazanzadə kross-kantri növünün sprint kateqoriyasında çıxış edəcək. İdmançımız martın 9-da mübarizəyə qoşulacaq.
XIII Qış Paralimpiya Oyunları martın 4-13-də Çinin paytaxtı Pekində keçiriləcək. Oyunların açılış mərasimi martın 4-ü Pekin Milli stadionunda baş tutacaq.
2646
2646
