Bu gün Millətlər Liqasında Azərbaycan yığmasının rəqibləri bəlli olacaq

Dekabrın 16-da futbol üzrə UEFA Millətlər Liqasında 2022-2023-cü il mövsümünün püşkü atılacaq.

 YeniAvropa  xəbər verir ki, püşkün nəticəsinə əsasən Azərbaycan milli komandasının Millətlər Liqasında rəqibləri bəlli olacaq.

Tədbir Bakı vaxtı ilə saat 21:00-da başlayacaq.

C Liqasında yer alan Canni De Byazinin baş məşqçi olduğu kollektiv püşkatmaya 3-cü səbətdən qatılacaq.

Əvvəlki mövsümlərdə olduğu kimi A, B və C Liqalarının hərəsində 16 yığma, D Divizionunda isə 7 komanda mübarizə aparacaq.

Qeyd edək ki, UEFA Millətlər Liqasında yeni mövsümə 2022-ci il iyunun 2-də start veriləcək.

Səbətlərin tərkibi aşağıdakı kimidir:

A Liqası

1-ci səbət: Fransa, İspaniya, İtaliya, Belçika;

2-ci səbət: Portuqaliya, Niderland, Danimarka, Almaniya;

3-cü səbət: İngiltərə, Polşa, İsveçrə, Xorvatiya;

4-cü səbət: Uels, Avstriya, Çexiya, Macarıstan.

B Liqası

1-ci səbət: Ukrayna, İsveç, Bosniya və Herseqovina, İslandiya;

2-ci səbət: Finlandiya, Norveç, Şotlandiya, Rusiya;

3-cü səbət: İsrail, Rumıniya, Serbiya, İrlandiya;

4-cü səbət: Sloveniya, Monteneqro, Albaniya, Ermənistan.

C Liqası

1-ci səbət: Türkiyə, Slovakiya, Bolqarıstan, Şimali İrlandiya;

2-ci səbət: Yunanıstan, Belarus, Lüksemburq, Şimali Makedoniya;

3-cü səbət: Litva, Gürcüstan, Azərbaycan, Kosovo;

4-cü səbət: Qazaxıstan / Moldova, Kipr / Estoniya, Cəbəllütariq, Farer adaları.

D Liqası

1-ci səbət: Qazaxıstan / Moldova, Kipr / Estoniya, Lixtenşteyn, Malta;

2-ci səbət: Latviya, San-Marino, Andorra.

Qeyd edək ki, Millətlər Liqasının birinci turu iyunun 2-4-də, ikinci turu 5-8-də, üçüncü turu 9-11-də, dördüncü turu 12-14-də, beşinci turu sentyabrın 22-24-də, altıncı turu 25-27-də keçiriləcək. Yarışmanın final mərhələsi 2023-cü il iyun 14 -18-də təşkil ediləcək.