UEFA Çempionlar Liqasında 1/8 final mərhələsinin püşkatması təkrarlanacaq.
YeniAvropa xəbər verir ki, bu barədə qurumun rəsmi saytında məlumat yerləşdirilib.
Bildirilib ki, buna səbəb təşkilatçıların püşkatma zamanı kobud səhvə yol verməsidir.
Belə ki, İngiltərənin "Mançester Yunayted" və "Liverpul" klublarının adlarının yazıldığı şarlar səhvən fərqli qutulara qoyulub. Nəticədə "qırmızı şeytanlar" əvvəlcə eyni qrupda mübarizə apardığı İspaniya "Vilyarreal"ına rəqib olub. Səhv qısa zamanda aradan qaldırılsa da, bu dəfə La Liqa təmsilçisinin potensial rəqibləri arasında mersisaydlılar olmayıb.
Həmçinin İspaniya "Atletiko"sunun mümkün rəqibləri arasına qrupda birgə mübarizə apardığı "Liverpul"un adının yazıldığı şar qoyulub. “Mançester Yunayted”ın adı isə həmin siyahıda yer almayıb.
Tədbir bu gün Bakı vaxtı ilə saat 18:00-da yenidən keçiriləcək.
2926
2926
