Aprelin 11-də Qırğızıstan Konstitusiyasının dəyişdirilməsi üzrə keçirilən referendumun qüvvəyə minməsi ilə əlaqədar ölkə mayın 5-dən prezident idarəçilik formasına keçib, hökumət istefa verib.
YeniAvropa yerli mətbuata istinadla xəbər verir ki, bununla əlaqədar Qırğızıstan prezidenti Sadır Japarov yeni hökumətin formalaşdırılması barədə fərmanlar imzalayıb.
Sadır Japarovun imzaladığı fərmanla Ulukbek Maripov Qırğızıstanın baş naziri, Artyom Novikov baş nazirin birinci müavini, Jıldız Bakaşova, Azamat Dıykanbayev və Ulukbek Karmışakov baş nazirin müavinləri təyin olunublar.
Prezident Nazirlər Kabinetinin yeni strukturunu da təsdiqləyib.
Hökumətin formalaşdırılması davam edir.
3647
3647
