Birləşmiş Ərəb Əmirliklərinin (BƏƏ) tarixində İsrailə təyin edilmiş ilk səfir Təl-Əvivə yollanıb.
YeniAvropa xarici KİV-ə istinadla xəbər verir ki, Əbu-Dabidə diplomatik missiyanın rəhbəri Məhəmməd Mahmud Əl-Xajanın andiçmə mərasimi keçirilib.
BƏƏ-nin vitse-prezidenti, Baş nazir və Dubay Əmiri Şeyx Məhəmməd bin Rəşid ölkənin İsraildəki ilk səfirinə uğurlar arzulayıb.
Qeyd edək ki, yanvarın 24-də İsrailin Əbu-Dabidə səfirliyinin açılış mərasimi olub.
Xatırladaq ki, İsraillə BƏƏ arasında sülh sazişi ötən il sentyabrın 15-də imzalanıb. Daha sonra iki ölkə arasında birbaşa aviareyslərin həyata keçirilməsi, iqtisadi və ticari əməkdaşlığa dair sənədlər imzalanıb.
2394
2394
