Türkiyə prezidenti Rəcəb Tayyib Ərdoğan ilə ABŞ prezidenti Donald Tramp arasında telefon danışığı olub.
YeniAvropa yerli mətbuata istinadla xəbər verir ki, bu barədə Türkiyənin Prezident Administrasiyası məlumat yayıb. Bildirilib ki,liderlər ikitərəfli münasibətlərlə yanaşı, regiondakı prosesləri də müzakirə ediblər.
Dövlət başçıları Suriyanın İdlib bölgəsindəki böhran vəziyyətinin dərhal aradan qaldırılmasının vacibliyini vurğulayıblar.
Telefon danışığı zamanı, həmçinin Liviyada sülh və sabitliyin bərpa olunmasına dair fikir mübadiləsi aparılıb, iki ölkə arasında qarşılıqlı ticarət dövriyyəsinin 100 milyard ABŞ dolları məbləğinə çatdırılması üçün müzakirələrin yenidən başlanmasının vacibliyini qeyd edilib.
2702
2702
