Şimali Makedoniyanın paytaxtı Skopyedə Avropada Təhlükəsizlik və Əməkdaşlıq Təşkilatının (ATƏT) Nazirlər Şurasının 30-cu iclası keçirilir.
YeniAvropa xəbər verir ki, ikigünlük iclas çərçivəsində ATƏT-ə üzv 57 ölkənin xarici işlər nazirləri Avro-Atlantik və Avrasiya məkanında təhlükəsizlik vəziyyətini müzakirə edəcək və qiymətləndirəcəklər.
Həmçinin Şimali Makedoniyanın 2023-cü ildə ATƏT-ə sədrliyi çərçivəsində, eləcə də təşkilatın bütün fəaliyyət sahələrində görülən işlər nəzərdən keçiriləcək.
İllik toplantı Şimali Makedoniya xarici işlər naziri və ATƏT-in fəaliyyətdə olan sədri Buyar Osmaninin dəvəti ilə baş tutub. Nazirlər Şurası ATƏT-in mərkəzi qərar qəbul edən və idarəetmə orqanıdır.
1379
1379
