Ötən üç sutka ərzində Günəş aktivliyi yüksək səviyyədə olub, bir neçə M sinif impulsiv alışma baş verib.
Bakı Dövlət Universitetinin (BDU) Fizika fakültəsinin Astrofizika kafedrasından YeniAvropa-ya verilən məlumata görə, Günəş küləyi parametrlərinin güclənməsi müşahidə olunub. Noyabrın 2-3-də baş vermiş tac kütlə atılmaları (TKA) nəticəsində planetlərarası maqnit sahəsi normadan 2-3 dəfə yüksək olub. Günəş küləyinin sürəti 517 km/saata kimi artıb, sonradan 460-480 km/saata qədər azalıb.
Noyabrın 6-da TKA-nın təsirinin davam etməsi səbəbindən G1 (mülayim) səviyyəli geomaqnit qasırğası müşahidə edilə bilər. Yuxarı en dairələrində isə G2 və G3 səviyyəli maqnit qasırğaları proqnozlaşdırılır. Sonrakı iki gün ərzində də aktivliyin davam edəcəyi ehtimal olunur.
Noyabrın 21-25-i üçün də G1 (mülayim) səviyyəli geomaqnit qasırğası proqnozlaşdırılır.
Maqnit qasırğasının loqarifmik indeksini xarakterizə edən Kp əmsalının orta qiyməti noyabrın 6-12-də 2-5 intervalında dəyişəcək.
1162
1162
