Xocalı, Xankəndi, Xocavənddən olan məcburi köçkünlər dünya ictimaiyyətinə müraciət ünvanlayıblar

Xocalı, Xankəndi, Xocavənd və Qarabağ bölgəsinin hazırda Rusiya sülhməramlılarının müvəqqəti nəzarətində olan digər rayonlarından olan məcburi köçkünlər dünya ictimaiyyətinə müraciət ünvanlayıblar.

YeniAvropa həmin müraciəti təqdim edir:

"`Biz - Xocalı, Xankəndi, Xocavənd və Qarabağ bölgəsinin hazırda Rusiya sülhməramlılarının müvəqqəti nəzarətində olan digər rayonlarından olan məcburi köçkünlər dünya ictimaiyyətinə bəyan edirik ki, Qarabağ münaqişəsi 2020-ci ildə başa çatsa da, 3 ildir hələ də öz şəhər və rayonlarımıza, kəndlərimizə, evlərimizə, yurd yerlərimizə qayıda bilmirik.

Ermənistan saxta təbliğat aparır ki, guya həmin bölgələrdə ancaq ermənilər yaşayıblar. Onlar hətta azərbaycanlıların tarixən həmin ərazilərdə yaşamaları faktını belə danır. Bu uydurma iddiadır! Bizik Xocalının, Xankəndinin, Kərkicahanın, Malıbəylinin, Quşçuların, Meşəlinin, Qaradağlının əsl, əzəli sakinləri!

Biz Ermənistanın Azərbaycana qarşı təcavüz siyasəti nəticəsində böyük faciələr yaşamışıq, soyqırımlara, kütləvi qırğınlara məruz qalmışıq. Etnik təmizləmələrlə bizim yaddaşımızı da silməyə çalışıblar, məscidlərimiz, doğmalarımızın qəbirləri dağıdılıb, təhqir olunub, evlərimiz viran edilib, yurd yerlərimizə qondarma adlar qoyulub. Nə qədər insan yurd həsrəti ilə bu dünyadan köçdü.

Doğma yurd yerlərimizə böyük ağrı, iztirab hissi ilə ancaq foto və videolarda baxırıq. Bir vaxtlar xoşbəxt yaşadığımız ərazilər indi “boz zona”ya çevrilib.

Ermənistan ordusunun qalıqları həmin ərazilərdən tamamilə çıxarılmalı, Ermənistanın yaratdığı və hələ də dəstəklədiyi oyuncaq xunta rejiminin tör-töküntüləri özünü buraxmalı, qanunsuz silahlı dəstələr tərksilah olunmalıdır. Bu, bizim tələbimizdir! Bu, bütün Azərbaycanın tələbidir!

Azərbaycanın ərazi bütövlüyü bu ilin aprelində Laçında post qurulmaqla tam təmin edilib.

Müzəffər Ali Baş Komandan, Prezident İlham Əliyevin cəsarətli, düşünülmüş siyasəti bizi bu xoşbəxt günlərə çıxarıb.

İndi Qarabağ və Şərqi Zəngəzur cənnətə çevrilir. Evlərinə qayıdan Zəngilan, Laçın, Füzuli, Tərtər sakinlərinin yerə-göyə sığmayan sevinci bizi ruhlandırır, daha da ümidləndirir ki, biz də tezliklə bu Böyük Qayıdışın tərkib hissəsinə çevrilək.

Buna görə də Xocalıda, Xankəndidə, Xocavənddə, indi “boz zona”ya çevrilmiş digər ərazilər də Azərbaycanın suverenliyi təmin olunmalıdır.

Qarabağ bölgəsində yaşayan erməni sakinlərə səslənirik: siz Azərbaycan bayrağı altında, Azərbaycan Konstitusiyası, Azərbaycan qanunları ilə xoşbəxt yaşaya bilərsiniz! Özünüzün, övladlarınızın, gələcək nəsillərinizin taleyini Ermənistanın və onun dəstəklədiyi qanunsuz xunta rejiminin əli ilə zəhərləməyin! Qarabağ sülh, birgəyaşayış, firavanlıq məkanına çevrilməlidir!

“Boz zona” həmişəlik qala bilməz. Bu dözülməzdir ki, biz hələ də evlərimizə qayıda bilmirik! Biz buradan bəyan edirik ki, hər birimiz Müzəffər Ali Baş Komandan, Prezident İlham Əliyevə inanırıq! Xocalıya, Xankəndiyə, Xocavəndə, Ağdərəyə qayıdacağımıza inanırıq! 30 ildən çoxdur ki, bir gün də olsun buna inamımız itməyib, bu günün böyük həsrəti ilə yaşayırıq!

Hər il Xocalı soyqırımı günü Bakıda “Ana harayı” abidəsini ziyarət edirik. Biz Xocalı faciəsini həm də Xocalımızda qeyd etməliyik. Xocalı bizi gözləyir! Böyük səbirsizliklə “Əziz Xocalı, biz qayıtmışıq!” deyəcəyimiz günü gözləyirik.

Dünya ictimaiyyətinə çağırış edirik ki, Ermənistandan Azərbaycanın ərazi bütövlüyünə və suverenliyinə qarşı addımlara son qoymağı tələb etsin, bizim öz evimizə qayıtmaq hüququmuz təmin edilsin!

İmzalar:

1. Vəliyeva Xatirə - Xankəndi şəhər sakini, “Xankəndi - Məcburi Köçkünlərə Dəstək” İB sədri

2. Xudiyev Hikmət - Xankəndi sakini, Əməkdar jurnalist

3. Cəfərova Səriyyə - Xocalı rayon sakini, “Xocalı təcavüzünün tanıdılması” İB-nin sədri

4. Qasımova Flora - Xankəndi şəhər sakini, Prezident təqaüdçüsü

5. Məmmədov Vaqif - Xankəndi şəhər sakini

6. Vəliyev Nazim - Xankəndi şəhər sakini, həkim

7. Fərzəliyev Yusif - Xankəndi şəhər sakini, müəllim

8. Quliyeva Sevinc - Xankəndi şəhər sakini, həkim

9. Əlizadə Qəribə - Xankəndi şəhər sakini, müəllim

10. Əliyev İzzət - Xankəndi şəhər Kərkicahan qəsəbə sakini, sürücü

11. Cəfərsoy İlhami - Şuşa rayonu Malıbəyli kənd sakini, professor, müəllim

12. Allahverdiyev Mübariz, Xocalı rayon sakini, professor, müəllim

13. Bağırov Vahid - Xankəndi şəhər sakini, təqaüdçü

14. Mirzəyeva Aynur - Xankəndi şəhər sakini, müəllim

15. Qarabağlı Aydın - Xankəndi şəhər sakini, Əməkdar jurnalist

16. Kazımov Qalib – Xankəndi şəhər sakini

17. Səmədov Səbuhi - Xankəndi şəhər Kərkicahan qəsəbə sakini, şəhid övladı

18. Qasımov Ceyhun - Xankəndi şəhər sakini

19. Əliyeva Yeganə - Xankəndi şəhər sakini, müəllim

20. Kazımov Teymurxan - Xankəndi sakini

21. Rüstəmova Fiqurə - Xocalı rayon sakini, müəllim

22. Quliyev Elman - Xankəndi şəhər sakini

23. Zeynalov Yaqub - Xankəndi şəhər sakini, aktyor

24. Mustafayev Yaşar - Xankəndi şəhər sakini, müəllim

25. Mailov Namiq - Xankəndi şəhər sakini, jurnalist

26. Rəşidov Natiq - Xankəndi şəhər sakini

27. Əliyeva Nuridə - Xankəndi şəhər sakini, müəllimə

28. Rəsulov Novruz - Xankəndi şəhər Kərkicahan qəsəbə sakini

29. Quliyev Ramin - Xocalı şəhər sakini, müəllim

30. Hüseynova Samirə - Xocalı şəhər sakini, müəllim

31. Məmmədov Elxan - Xankəndi şəhər sakini

32. Mustafayev Qorxmaz - Ağdərə rayon sakini müəllim

33. Əmirov Xasay - Xankəndi şəhər sakini, müəllim

34. Fərəcov Vüqar - Xankəndi şəhər sakini

35. Əhmədova Ziba - Xankəndi şəhər sakini, təqaüdçü

36. Mirzəyev Sahib - Xankəndi şəhər sakini

37. Xudiyev İlham - Xankəndi şəhər sakini, jurnalist

38. Bəxtiyarova Sevda - Xankəndi şəhər sakini, müəllim

39. Quliyeva İradə - Xankəndi şəhər sakini, müəllim

40. Bağırova Sevil - Xankəndi şəhər sakini, müəllim

41. Qasımov Rafael - Xankəndi şəhər sakini

42. Əliyev Mürvət - Xankəndi şəhərinin Kərkicahan qəsəbəsinin sakini, Qarabağ veteranı

43. Atakişiyev Sərhad - Xankəndi şəhər sakini, şəhid qardaşı

44. Məmmədova Emiliya - Xankəndi şəhər sakini, müəllim

45. Hüseynov İlqar - Xocavənd rayonu Qaradağlı kənd sakini

46. Muradova Rita - Xankəndi şəhər sakini, müəllim

47. Muradova Nazimə- Xankəndi şəhər sakini, təqaüdçü

48. Amil Quliyev - Xocalı rayon sakini, təqaüdçü

49. Quliyev Rafiq - Xocavənd rayonu Qaradağlı kənd sakin"i.