Sentyabrın 6-dan 8-dək Bakıda Azərbaycan Fövqəladə Hallar Nazirliyinin (FHN) təşkilatçılığı ilə Türk Dövlətləri Təşkilatına (TDT) üzv və müşahidəçi ölkələrin Təbii Fəlakət və Fövqəladə Halların İdarəedilməsi üzrə nazirlərinin ikinci iclası keçiriləcək.
YeniAvropa xəbər verir ki, bu barədə FHN-in mətbuat xidmətindən məlumat verilib.
İclasda TDT-yə üzv və müşahidəçi ölkələrin fövqəladə hallarla mübarizə üzrə aidiyyəti dövlət qurumlarının rəhbər şəxslərinin iştirakı nəzərdə tutulur.
Həmçinin tədbir çərçivəsində “Bakı-2023” Beynəlxalq təliminin keçirilməsi gözlənilir. Təlimdə TDT-yə üzv dövlətlərin fövqəladə halların idarə edilməsi üzrə aidiyyəti qurumlarının xilasetmə qüvvələrinin iştirakı planlaşdırılır.
2226
2226
