Diasporla İş üzrə Dövlət Komitəsi dünya azərbaycanlılarına müraciət ünvanlayıb
Diasporla İş üzrə Dövlət Komitəsi dünya azərbaycanlılarına müraciət ünvanlayıb.
YeniAvropa xəbər verir ki, bu barədə Komitənin mətbuat xidmətindən məlumat verilib.
Müraciətdə deyilir: “Məlum olduğu kimi, noyabrın 15-də Fransa parlamentinin yuxarı palatası olan Senat Azərbaycana qarşı sanksiyaları nəzərdə tutan bədnam qətnamə qəbul edib. Noyabrın 28-də isə hakim partiya nümayəndələrinin təqdim etdiyi bu qətnamə Fransa parlamentinin aşağı palatası olan Milli Assambleyada müzakirəyə çıxarılacaq.
ATƏT-in Minsk qrupunun həmsədrliyində təmsil olunan Fransa dövləti 30 il ərzində Azərbaycan həqiqətlərinə ikili standartlar əsasında yanaşıb, anti-Azərbaycan qərar və bəyanatları ilə fərqlənib. Fransa Senatında qəbul olunan və Milli Assambleyada müzakirəyə çıxarılacaq son qətnamə də uzun illər davam edən münasibətin nəticəsidir. Sözügedən qətnamə layihəsi gündəmə gələn ilk gündən dünya azərbaycanlıları buna etiraz etmək məqsədilə səfərbər olaraq qüvvələrini birləşdirib. Bununla bağlı bəyanatlar yayılıb (Azərbaycan icmasının bəyanatı http://diaspor.gov.az/az/news-detail/azerbaycan-icmasi-fransa-senatina-teqdim-olunan-qetname-layihesine-keskin-etirazini-bildirib-1909; Azərbaycanın Dostları Assosiasiyasının sədri Jerom Lamberin bəyanatı http://diaspor.gov.az/az/news-detail/azerbaycanin-dostlari-assosiasiyasinin-prezidenti-fransali-senatorlari-bednam-qetnameye-ses-vermemeye-cagirib-1928), Fransanın https://www.lagazetteaz.fr xəbər saytında “Fransa xalqı Senatda Azərbaycana qarşı qətnamə layihəsi əleyhinə səfərbər olunur” sərlövhəli məqalə dərc olunub (http://diaspor.gov.az/az/news-detail/fransa-mediasinda-xalqin-azerbaycana-qarsi-qetname-layihesinin-eleyhine-olmasindan-behs-edilib-1935), sosial şəbəkələrdə kampaniyalar keçirilib. Buna misal olaraq bütün senatorların rəsmi elektron ünvanlarına 418 müraciət göndərilib, 348 senatorun tviter hesabları vahid həştəqlə işarələnərək erməni yalanlarına uymamaq, təcavüzkar ölkəni dəstəkləməmək və Azərbaycana qarşı obyektiv olmaq çağırışları edilib (https://twitter.com/hashtag/StopHypocrisy?src=hashtag_click), feysbuk, tviter və instaqram sosial şəbəkələrində minlərlə paylaşımlar olunub (https://twitter.com/DEminrustamov/status/1592502128769372161). Aparılan tviter kampaniyası nəticəsində azərbaycanlıların haqq səsi təkcə bir gün ərzində 45 min fransıza çatdırılıb. Bu paylaşımlarda Fransa və fransızların Azərbaycan həqiqətləri – Xocalı soyqırımı, Oxçuçayın çirkləndirilməsi, Azərbaycan ərazilərinin minalarla çirkləndirilməsi, Azərbaycanla dövlət sərhədində Ermənistanın təxribatları kimi mövzulara səssiz qalmaması və bundan sonra ikili standartlardan kənar həssas yanaşma nümayiş etdirmək tələb olunub.
Qətnamə layihəsi Senatda müzakirə olunan gün diaspor üzvləri Senatın binası qarşısında icazəli piket keçiriblər (piketin tam orijinal versiyasını buradan izləmək olar: https://youtu.be/rv-otEZk_vM).
Son illər Azərbaycan dövlətinin diqqət və qayğısı nəticəsində Azərbaycan diasporunun sıralarında və fəaliyyətində keyfiyyət dəyişikliyi baş verib. Uğurlu islahatlar nəticəsində artıq 50-dən çox ölkədə sistemli və müntəzəm diaspor fəaliyyəti təşkil edilib, dünyanın 40-a yaxın ölkəsini və 140-dan çox diaspor təşkilatını əhatə edən Azərbaycanlıların 15 Koordinasiya Şurası fəaliyyət göstərir, dünya ölkələri üzrə Azərbaycan Evlərinin sayı 19-a çatıb. İstər pandemiya, istərsə də Vətən müharibəsi dövründə dünyanın müxtəlif ölkələrində yaşayan soydaşlarımız öz fəaliyyətləri ilə Azərbaycan dövlətinə və onun Liderinə dəstək olublar. 44 günlük müharibə dövründə Komitənin koordinasiyası ilə 300-ə yaxın diaspor təşkilatı, beynəlxalq təşkilatlar və Azərbaycandakı icmalar müxtəlif ölkələrin dövlət və hökumət rəhbərlərinə, parlament üzvlərinə, BMT, Avropa Parlamenti, Avropa Şurası və digər beynəlxalq qurumlara 23 dildə 500-dən artıq bəyanat göndərib. Avropa Parlamentinin üzvlərinə 775 bəyanat çatdırılıb, müxtəlif ölkələrin 641 nəfər parlament üzvünə isə bəyanat və müraciətlər birbaşa təqdim olunub, diaspor nümayəndələri xarici TV-lərdə 98 dəfə canlı yayıma qatılıblar. Dünyanın 60 ölkəsindən minlərlə soydaşımızın qatıldığı 300-dən çox videokonfrans təşkil olunub, diaspor təşkilatları və üzvləri 60 ölkədə 32 dildə 535 məqalə dərc etdiriblər. Məhz diasporumuzun iştirakı ilə 36 xarici ölkədə 198 tədbir keçirilib, onların da 111-i aksiya, yürüş, avtoyürüş olub.
Aparılan sistemli və ardıcıl işin nəticəsidir ki, xaricdəki Azərbaycan icmaları vətənpərvərlik adı ilə manipulyasiya edən təsadüfi adamlardan təmizlənir, dövlətçilik maraq və mənafelərini hər şeydən üstün tutan insanların güc birliyinə çevrilir.
Təbliğat işlərinin, keçirilən etiraz piketlərinin mahiyyətinə kölgə salmaq istəyən, düşmən dəyirmanına su tökən bəzi “vətənpərvər” müxalif qüvvələr çirkin məqsədlərini yenidən ortaya qoyur, sosial mediada heç bir faktoloji əsası olmayan məlumatlar yaymaqla həmvətənlərimizi yanıltmağa, dövlətimizin beynəlxalq arenadakı uğurlarına xələl gətirməyə çalışırlar. Bununla da Azərbaycan dövlətinə qarşı aparılan çirkin kampaniyaların iştirakçısına çevrilirlər.
Qeyd edək ki, Diasporla İş üzrə Dövlət Komitəsi heç bir xarici ölkədə kütləvi aksiyaların təşkilatçısı olmayıb, lakin Azərbaycanın haqq səsini və ədalətli mövqeyini dünya ictimaiyyətinə çatdırmağa çalışan, istənilən zamanda güc birliyi və bərabərlik nümayiş etdirən bütün soydaşlarımıza dəstək durur, təşəkkür edir, onlarla fəxr etdiyimizi və bundan sonra da davamlı olaraq onların yanında olacağımızı bildiririk.
Əziz soydaşlar!
Noyabrın 28-də Azərbaycana qarşı bədnam qətnamənin Fransa parlamentinin aşağı palatası olan Milli Assambleyada müzakirəyə çıxarılacağını nəzərə alaraq Sizləri bir daha səfərbər olmağa, Azərbaycanın haqq səsini və ədalətli mövqeyini Assambleya üzvlərinə çatdırmaq üçün qüvvələrinizi birləşdirməyə və yaşadığınız ölkənin qanunvericiliyinin tələblərinə uyğun olaraq öz münasibətinizi bildirməyə çağırırıq. Biz birlikdə güclüyük!”
Azərbaycan Kuboku: “Qarabağ” “Neftçi”ni məğlub edərək finala yüksəlib
Qırğızıstan prezidentinin şərəfinə “Gülüstan” sarayında ziyafət verilib
Bayden Ukraynaya 61 milyard dollarlıq hərbi yardım haqda qanunu imzalayıb
İlham Əliyev və Sadır Japarov Çingiz Aytmatovun abidəsinin açılışında iştirak ediblər
“Bakcell” bütün ölkəni bulvardakı konsertə çağırır
Qırğızıstan prezidenti Şəhidlər xiyabanını ziyarət edib
“Air France”ın təyyarəsi Bakıya qəza enişi edib
2026-cı ilədək Cəbrayıl, Qubadlı, Zəngilana 40 min nəfər köçürüləcək
Qırğızıstan prezidenti sabah Ağdamda tikəcəkləri məktəbin təməlini qoyacaq
ABŞ Gürcüstana 13 milyon dollarlıq hərbi-texniki yardım edib
Şuşada elektrik avtobuslar istifadəyə veriləcək
Prezidentin xüsusi tapşırıqlar üzrə nümayəndəsi "BBC"yə müsahibə verib
Azərbaycan-Qırğızıstan İnkişaf Fondunun Nizamnamə fondu 100 milyon dollara çatır
Bakıda Azərbaycan-Başqırdıstan biznes- forumu keçirilib
Azərbaycanla Qırğızıstan arasında 18 sənəd imzalanıb
Qırğızıstan Ağdamda məktəb tikəcək
İlham Əliyev və Sadır Japarov mətbuata bəyanatlarla çıxış ediblər
Azərbaycan-Qırğızıstan sənədləri imzalanıb
HDQ və FHN-in “Dalğa-2024” birgə taktiki təlimi keçirilir
Laçındakı konfransda 30 ölkədən ekspertlər iştirak edirlər
Bakıda Azərbaycan-Qırğızıstan Dövlətlərarası Şurasının II iclası keçirilir
Azərbaycan və Qırğızıstan prezidentlərinin məhdud tərkibdə görüşü olub
Koreyanın 206 mindən çox avtomobilini geri çağırır
Sabah Bakıda 28° isti olacaq
Bakıda Sadır Japarovun rəsmi qarşılanma mərasimi olub