Bakı ilk dəfə Karate1 Premyer Liqasına ev sahibliyi edəcək
Sentyabrın 2-4-də Bakıda ilk dəfə Dünya Karate Federasiyasının (WKF) ən prestijli yarışı olan Karate1 Premyer Liqa turniri keçiriləcək. Yarış Karate1 Premyer Liqa turniri seriyasından mövsümün 4-cü mərhələsi olacaq.
YeniAvropa xəbər verir ki, milli komandamızın 16 üzvü yarışda iştirak edəcək. Kişilərin baş məşqçisi Qurban Tağıyev Əminağa Quliyev, Sultan Hüseynov (hər ikisi 60 kq), Tural Ağalarzadə, Firdovsi Fərzəliyev, Rafiz Həsənov (hamısı 67 kq), Fərid Ağayev (75 kq), Turqut Həsənov, Pənah Abdullayev, Ayxan Mamayevi (hamısı 84 kq), Asiman Qurbanlı və Murad Hacızadəni (hər ikisi +84 kq) heyətə cəlb edib. Qadınların baş məşqçisi Denis Morozov İnci Əzizova (50 kq), Mədinə Sadiqova (55 kq), Ayla Rzazadə (61 kq), İrina Zaretska (68 kq) və Fəridə Əliyevanın (+68 kq) liqa turnirinə qatılmasına üstünlük verib.
Premyer Liqanın Bakı mərhələsində 58 ölkədən 347 tanınmış karateçi iştirak edəcək. Onların arasında Olimpiya, dünya və qitə çempionları və mükafatçıları var. Turnir kişi və qadın kumiteçilərin hər birində 5 olmaqla, 10 çəki dərəcəsi üzrə, eləcə də kişi və qadın kataçılar arasında keçiriləcək. 12 kateqoriyanın hər birində 32-dək idmançı mübarizə aparacaq. Onlar əsasən dünya reytinq cədvəlinin ilk 32 pilləsini tutan karateçilərdir.
Karate1 Premyer Liqa turniri dairəvi sistem (Robin round) üzrə keçiriləcək. Hər bir döyüşə görə idmançıların yığdığı xallar dünya reytinq cədvəlində və Premyer Liqaların xüsusi reytinq cədvəlində toplanacaq. Bu xallar, həmçinin növbəti Avropa Oyunlarına vəsiqələrin verilməsində rol oynayacaq.
Yarışı 22 ölkədən 55 hakim idarə edəcək. Federasiyanın baş hakimi və beynəlxalq hakim Cahangir Babayev başda olmaqla, 10 beynəlxalq və 6 milli dərəcəli hakimimiz yarışı idarə edənlər arasında olacaq.
Premyer Liqanı izləmək üçün WKF-in prezidenti Antonio Espinosla yanaşı, dünya karatesinin bir sıra nüfuzlu rəsmi şəxsləri də paytaxtımızda bir neçə gün qonaq olacaqlar. Karate1 Premyer Liqa turnirinin Bakı mərhələsi Heydər Əliyev adına İdman-Konsert Kompleksində keçiriləcək.
Turnirin ilk iki günü seçmə mərhələnin çıxışları, bazar günü isə final görüşləri keçiriləcək. Mükafatlar uğrunda həlledici görüşlər televiziya ilə canlı yayımlanacaq.
Mövsümün beşinci və son Premyer Liqa mərhələsi ilə hər kateqoriya üzrə ilboyu ən yüksək nəticə göstərmiş karateçilərə “Grand Winner” xüsusi mükafatı təqdim ediləcək. O üzdən tanınmış karateçilər Premyer Liqa turnirlərinə qatılmaqla xallarını artırıb bu mötəbər mükafata layiq olmaq istəyirlər.
Milli Məclisin sədri Misirin Nümayəndələr Palatasının sədri ilə görüşüb
Tovuzda ağır avtoqəza: 2 nəfər ölüb, 4 nəfər xəsarət alıb
Türkiyə millisinin iki voleybolçusu zəlzələdə həlak olub
Kimlərə Azərbaycanda daimi yaşamaq icazəsi veriləcək?
Rəcəb Tayyib Ərdoğan zəlzələ bölgəsinə gedir
Əcnəbilərin Azərbaycanda daimi yaşaması üçün tələblər sərtləşdirilir
Paytaxt sakini 5 nəfərin bank hesabından 4 min manat oğurlayıb
Ötən gün cinayət törətməkdə şübhəli bilinən 51 nəfər saxlanılıb
FHN-in növbəti xilasetmə qrupu Türkiyəyə yola düşüb
Qaxda 45 sm qar yağıb
Paytaxtda tələbə yataqxanasında qətl törədilib
Azərbaycan XİN Ararat Mirzoyana cavab verib
Laçın-Xankəndi yolunda etiraz aksiyasının 59-cu günü
Türkiyədə zəlzələdən ölənlərin sayı 5400 nəfəri ötüb,31 mindən çox yaralı var
Heydər Əliyev Mərkəzi Türkiyənin Dövlət bayrağı rəngində işıqlandırılıb
Azərbaycan Həmkarlar İttifaqları Konfederasiyasının bir qrup əməkdaşı orden və medallarla təltif edilib
“SOCAR Türkiyə” zəlzələ bölgəsindəki xilasetmə avtomobillərini pulsuz benzinlə təmin edir
Zelenski Ərdoğana zəng edib
Azərbaycan növbəti yardımları və xilasetmə qrupunu Türkiyəyə göndərir
Bu gün Azərbaycanda 298 doza vaksin vurulub
Azərbaycanda daha 21 nəfər koronavirusa yoluxub
SOCAR gözlənilən kəskin hava şəraiti ilə əlaqədar təhlükəsizlik tədbirlərini gücləndirib
Bu gün Milli Qəhrəman Mübariz İbrahimovun doğum günüdür
Bir qrup QHT sədri Türkiyədəki zəlzələ ilə bağlı qardaş xalqa başsağlığı verib
Tütün məmulatları və alkoqollu içkilərin idxalı və istehsalına dövlət nəzarəti gücləndirilir