logo

"Qarabağ" bu gün Çempionlar Liqasının qrup mərhələsinə vəsiqə qazanaсaqmı?

09:09 23-08-2022 | icon 2821
"Qarabağ" bu gün Çempionlar Liqasının qrup mərhələsinə vəsiqə qazanaсaqmı?

"Qarabağ" bu gün UEFA Çempionlar Liqasının pley-off mərhələsində cavab oyununa çıxacaq. 

YeniAvropa xəbər verir ki, Ağdam klubu Çexiyada "Viktoriya"(Plzen) komandasının qonağı olacaq. Plzendəki "Dusan Arena"da oynanılacaq görüş Bakı vaxtı ilə saat 23:00-da başlayacaq. Matçı portuqaliyalı FIFA referisi Artur Diaş idarə edəcək.

Xatırladaq ki, Bakıdakı ilk oyunda qolsuz heç-heçə qeydə alınıb. Cavab qarşılaşmasında qalib gələn komanda turnirin qrup mərhələsinə vəsiqə qazanacaq. Məğlub tərəf isə yoluna Avropa Liqasının qrupunda davam edəcək.

Ağdam təmsilçisi matça ciddi itkilərlə çıxacaq. Kapitan Maksim Medvedev və kolumbiyalı müdafiəçi Kevin Medina zədə səbəbindən oyunu buraxacaqlar. Meydan sahiblərindən isə kapitan Lukaş Heyda cəzalı olduğu üçün görüşdə iştirak etməyəcək.

Qeyd edək ki, "Qarabağ"  2017/2018 mövsümündə Çempionlar Liqasının qrupunda mübarizə aparıb.