logo

Sinoptiklərdən xəbərdarlıq: Yağıntılı hava şəraiti mayın 26-dək davam edəcək

14:54 24-05-2022 | icon 2702
Sinoptiklərdən xəbərdarlıq: Yağıntılı hava şəraiti mayın 26-dək davam edəcək

Milli Hidrometeorologiya Xidmətinin mayın 24-ü saat 09:00-a olan məlumatına əsasən, ölkə ərazisində hava şəraiti qeyri-sabit olub, şimşək çaxıb, arabir yağış yağıb, Böyük Qafqazın bəzi yerlərində leysan xarakterli intensiv olub, şimal-qərb küləyi bəzi yerlərdə arabir güclənib.

Xidmətdən YeniAvropa-ya bildirilib ki, düşən yağıntının miqdarı Kişçayda (Şəki) 28, Göygöldə 27, Ləzədə 26, Şahdağda 25, Qudyalçay-Xınalıqda 24, Qrızda 23, Sarıbaşda (Qax) 21, Şəkidə 20, Qusarda 15, Daşkəsən, Qubada 14, Gəncə, Xınalıq, Tovuzda 12, Ağstafa, Gədəbəydə 10, Balakən, Qəbələdə 9, Ağdam, Mingəçevirdə 8, Göyçay, Zaqatala, Oğuzda 7, Ağdərə (Ordubad), Şəmkir, Bərdə, Yevlaxda 5, Naftalan, Sədərək, Ceyrançöl, Qobustan, Altıağac, Zərdabda 4, Beyləqan, Astara, Xaltanda 3, Tərtər, Cəfərxan, Şabranda 2, Naxçıvan, Şərur, İmişli, Sabirabad, Salyan, Hacıqabul, Biləsuvarda 1, Maştağa, Bakıda 2, Sumqayıt, Binə, Pirallahıda 1 millimetrədək olub.

Mayın 23-də saat 15:04-15:05 radələrində Daşkəsən rayonuna, 17:35-17:38 radələrində isə Şirvan şəhərinə xırdadənəli dolu düşüb.

Şimal-qərb küləyinin sürəti arabir Naftalan, Ağdam, Gəncədə 28, Balakən, Mingəçevirdə 25, Şəmkir, Tovuzda 24, Tərtər, Ağstafada 22, Zaqatalada 20, Kəlvəzdə 19, Naxçıvan, Ceyrançöl, Cəfərxan, Şəmkir, Bərdə, Göyçay, Salyanda 18, Şirvanda 17, Biləsuvar, Şabran, Gədəbəydə 16, Şərurda 15, Bakıda 31, Pirallahıda 26, Neft Daşlarında 25, Çilov adasında 24, Ələt, Sumqayıtda 22, Binədə 19, Maştağada 18 metr/saniyəyədək güclənib. Neft Daşları stansiyasının məlumatına əsasən, Xəzər dənizində dalğanın hündürlüyü 3,5 metrə çatıb.

Ölkə ərazisində müşahidə olunan küləkli hava şəraiti mayın 25-dək, yağıntılı hava şəraiti isə mayın 26-sı səhərədək davam edəcək.