logo

İrəvanda Nikol Paşinyanın istefası tələbi ilə etiraz aksiyaları keçirilir

11:33 18-05-2022 | icon 1232
İrəvanda Nikol Paşinyanın istefası tələbi ilə etiraz aksiyaları keçirilir

Bu gün İrəvanda Ermənistanın baş naziri Nikol Paşinyanın istefası tələbi ilə keçirilən etiraz aksiyalarının gedişində 73 nümayişçi saxlanılıb.

YeniAvropa xəbər verir ki, Ermənistan mediası bu barədə paytaxt polisinə istinadla məlumat yayıb.

Bir müddət öncə respublika parlamentinin müxalif “Ermənistan” fraksiyasından olan vitse-spikeri İşxan Saqatelyan etiraz aksiyalarının bu gün də davam edəcəyini bildirib. Onun sözlərinə görə, etirazçılar paytaxtda nəqliyyatın hərəkətini iflic etmək və lazım gələrsə, dövlət binalarını bloklamaq niyyətindədir.

Paytaxt İrəvanda mayın 17-də keçirilən aksiyalar zamanı 417 nəfər saxlanılmışdı.

Qeyd edək ki, aprelin 25-dən başlayaraq Ermənistan müxalifəti bütün ölkə üzrə etiraz aksiyaları keçirir. Nümayişçilərin fikrincə, hakimiyyətin yürütdüyü siyasət dövlətçiliyin itirilməsi təhlükəsi yaradır.