logo

“Shell” Rusiyadakı bütün əmlakını “Lukoyl”a satıb getdi

15:15 12-05-2022 | icon 3689
“Shell” Rusiyadakı bütün əmlakını “Lukoyl”a satıb getdi

“Lukoyl” kompaniyası Rusiyada 400-dən çox yanacaqdoldurma məntəqəsinə və sürtkü materialları zavoduna sahib olan “Shell neft” MMC-ni satın alıb.

 YeniAvropa  "TASS" informasiya agentliyinə istinadla xəbər verir ki, bu barədə “Lukoyl” kompaniyasının məlumatında deyilir.

“Lukoyl” ASC Rusiyada neft məhsullarının pərakəndə satışı və sürtkü materiallarının istehsalı ilə məşğul olan “Shell neft” MMC-nin bütün hissələrinin əldə edilməsinə dair kompaniyanın törəmə şirkətləri ilə müqavilə imzalayıb. Buraya “Shell neft” MMC-nin əsasən ölkənin Mərkəzi və Şimal-Qərb federal dairələrində yerləşən 411 yanacaqdoldurma məntəqəsi və Tver vilayətindəki sürtkü materialları zavodu daxildir.

Ukraynaya qarşı başladığı işğalçılıq müharibəsi səbəbindən ABŞ-ın “Shell” kompaniyası fevralın 28-də Rusiya ilə bütün müştərək layihələrdən, o cümlədən Avropaya qaz tədarükü üzrə “Şimal axını-2” və maye qaz istehsalı üzrə “Saxalin-2” layihələrindən çıxdığını, martın 8-də isə Rusiyanın neft məhsullarından, boru kəməri ilə ötürülən maye qazdan mərhələli şəkildə imtina edəcəyini açıqlayıb. Kompaniya, həmçinin dünya bazarında Rusiyadan xam neft alınmasını və rusiyalı tədarükçülərlə uzunmüddətli neft müqavilələrini yeniləməyi dayandırıb.