logo

Rusiya İsveç və Finlandiyanın NATO-ya üzvlüyündən narahatdır

15:55 14-04-2022 | icon 1981
Rusiya İsveç və Finlandiyanın NATO-ya üzvlüyündən narahatdır

“İsveç və Finlandiyanın NATO-ya daxil olması hərbi sahədə vəziyyəti pisləşdirəcək və ən arzuolunmaz nəticə verəcək”.

YeniAvropa "TASS" agentliyinə istinadən xəbər verir ki, bu fikri Rusiya xarici işlər nazirinin müavini Aleksandr Qruşko səsləndirib.

Onun sözlərinə görə, İsveç və Finlandiyanın neytral statusu onların Avropa İttifaqına yaxınlaşmasına və sonra ona üzvlüyə mane olmadı: “Şimali Avropada yaşayan xalqların fundamental maraqları baxımından hazırkı vəziyyət qorunmalıdır. Bu, hərbi sahədə vəziyyəti ciddi şəkildə pisləşdirəcək və qaçılması vacib ən arzuolunmaz nəticələrə gətirib çıxaracaq”.

Nazir müavini deyib ki, Rusiya İsveç və Finlandiya ilə diplomatik təmasları dəstəkləyir: “Diplomatik təmaslar həmişə dəstəklənir. Bunun üçün səfirliklər fəaliyyət göstərir. Ancaq İsveç və Finlandiya sanksiyalara qoşulub, anti-Rusiya kampaniyasında iştirak edir, Qərbə yönəlib. Bu günün reallığı belədir”.

A.Qruşko vurğulayıb ki, İsveç və Finlandiya NATO-ya daxil olarsa, Rusiya təhlükəsizlik və müdafiəsini təmin etmək üçün bir sıra tədbirlər görməyə məcbur olacaq: “Həmin ölkələrin NATO-ya daxil olması hərbi-siyasi şəraitdə radikal dəyişiklik deməkdir”.