logo

Sinoptiklərdən xəbərdarlıq:Bakıda çovğun olacaq

15:55 13-01-2022 | icon 805
Sinoptiklərdən xəbərdarlıq:Bakıda çovğun olacaq

Yaxın iki gün ərzində güclü şimal-qərb küləyinin əsəcəyi, güclü cənub-qərb küləyi ilə əvəzlənəcəyi gözlənilir.

Ekologiya və Təbii Sərvətlər Nazirliyinin Milli Hidrometeorologiya Xidmətindən YeniAvropa-ya verilən məlumata görə, Bakıda və Abşeron yarımadasında yanvarın 13-ü axşamdan şimal-qərb küləyinin əsəcəyi, sürətinin saniyədə 18-23, arabir 25 metr olacağı, yanvarın 13-dən 14-nə keçən gecə və 14-də səhər arabir 28-33 metr/saniyəyədək güclənəcəyi proqnozlaşdırılır.

Yanvarın 13-ü axşamdan başlayaraq havanın arabir yağıntılı olacağı, yanvarın 14-ü gün ərzində bəzi yerlərdə sulu qara keçəcəyi, şəhərin nisbətən yüksək ərazilərində qar yağacağı ehtimalı var.

Qarla müşayiət olunan güclü külək nəticəsində yanvarın 14-ü səhər çovğun olacağı ehtimal edilir. Yanvarın 14-ü günün ikinci yarısında küləyin sürətinin saniyədə 15-18 metr olacağı, yanvarın 14-ü axşamdan 15-i gündüzədək isə cənub-qərb küləyinə keçəcəyi, sürətinin saniyədə 15-20 metr olacağı, arabir 27-32 metrədək güclənəcəyi bildirilir.

Havanın minimal temperaturunun yanvarın 14-dən 15-nə keçən gecə 0°-yə yaxın, nisbətən yüksək ərazilərdə 2°-dək şaxta olacağı, yolların buz bağlayacağı ehtimal edilir.

Azərbaycanın rayonlarında yanvarın 13-ü axşam şimal və qərb rayonlarından başlayaraq yanvarın 14-ü axşamadək havanın yağıntılı olacağı, sulu qar, qar yağacağı proqnozlaşdırılır. Bəzi yerlərdə intensiv və güclü olacağı bildirilir. Yanvarın 13-ü axşamdan yanvarın 16-dək şimal-qərb, qərb küləyi əsəcək, sürəti saniyədə 15-20, arabir 23-25 metr olacaq, ayrı-ayrı yerlərdə arabir 28-32 metrədək güclənəcək. Yağıntı yanvarın 14-ü axşamadək davam edəcək. Havanın minimal temperaturunun yanvarın 14-dən 15-nə keçən gecə Mərkəzi Aran rayonlarında 0-5°, dağlarda 8-13°, yüksək dağlıq ərazilərdə 15-20° şaxta olacağı gözlənilir. Şaxtalı hava şəraiti ilə əlaqədar yolların buz bağlayacağı ehtimalı var.