Xudat rayonunun Nabran qəsəbəsində yerləşən "Atlant” istirahət mərkəzi satılır.
YeniAvropa xəbər verir ki, bu barədə pulsuz elanlar saytının birində elan yerləşdirilib. Elanda deyilir ki, 3 hektar ümumi sahəsi olan istirahət mərkəzinin bütün sənədlər qaydasındadır.
Qeyd edilir ki, istirahət mərkəzinin daxilində kotteclər və lüks kotteclər, eləcə 6 mərtəbəli otel mövcuddur. Kottec və nömrələr sanitar qovşağı, mebel, yataq mebeli, televizor, kondisioner ilə təchiz edilib.
Eyni zamanda istirahət mərkəzində 350 nəfərlik restoran milli və Avropa mətbəxindən yeməklər təklif edir. O cümlədən mətbəx, yay restoranı, səhnə, uşaqlar üçün əyləncə yeri, besedkalar inşa edilmişdir və fəaliyyət göstərir.
Elanda qeyd olunub ki, mərkəzin hazırkı qiyməti 30 000 000 manatdır.
2415
2415
