logo

Azərbaycan-Türkiyə hərbi təlimləri:  sualtı hücum və müdafiə məşqləri icra olunub

11:10 10-09-2021 | icon 7770
Azərbaycan-Türkiyə hərbi təlimləri:  sualtı hücum və müdafiə məşqləri icra olunub

Azərbaycanın və Türkiyənin sualtı hücum və sualtı müdafiə qruplarının iştirak etdiyi birgə təlim-məşqlərində növbəti mərhələnin tapşırıqları icra olunub.

Müdafiə Nazirliyinin mətbuat xidmətindən YeniAvropa-ya bildirilib ki, bu mərhələdə Xəzər dənizinin Azərbaycana məxsus sektorunda şərti terrorçu qrup tərəfindən zəbt edilən gəmidə onların zərərsizləşdirilməsi və gəminin azad olunması tapşırıqları müvəffəqiyyətlə yerinə yetirilib.

Helikopter və katerlərin cəlb olunması ilə keçirilən təlimin növbəti mərhələsində iki qardaş ölkənin xüsusi təyinatlıları qarşıya qoyulan tapşırıqları yüksək peşəkarlıq göstərərək dəqiq və effektiv icra ediblər.