Azərbaycan-Türkiyə-Pakistan(“Üç qardaş - 2021”) hərbi təlimlərinə hazırlığa başlanılıb
Sentyabrın 6-da Müdafiə Nazirliyinin rəhbərliyi Azərbaycan, Türkiyə və Pakistan xüsusi təyinatlı qüvvələrinin nümayəndələrinin iştirakı ilə keçiriləcək “Üç qardaş - 2021” beynəlxalq təliminin keçiriləcəyi ərazi ilə tanış olub.
Müdafiə Nazirliyinin mətbuat xidmətindən YeniAvropa-ya bildirilib ki, müdafiə nazirinə təlimə hazırlıq prosesi və digər təşkilati məsələlərlə bağlı məruzə edilib.
Təlimin yüksək səviyyədə təşkili və keçirilməsi üçün müvafiq göstərişlər verilib.
Xatırladaq ki, daha əvvəl müdafiə naziri, general-polkovnik Zakir Həsənov "Real TV"yə müsahibəsində prezident İlham Əliyevin tapşırığı ilə sentyabr ayında üç qardaş ölkənin xüsusi təyinatlı qüvvələrinin birgə təlimləri keçiriləcəyini bildirib.
8610
8610
