logo

İsveç Azərbaycanı səyahət üçün təhlükəli ölkələr siyahısından çıxardı

21:13 08-07-2021 | icon 6468
İsveç Azərbaycanı səyahət üçün təhlükəli ölkələr siyahısından çıxardı

İsveçin Xarici İşlər Nazirliyi öz vətəndaşları üçün səfərlər barədə pandemiya ilə bağlı tövsiyələrinə növbəti dəfə dəyişikliklər edib.

YeniAvropa xəbər verir ki, bu barədə krallığın hökumət saytında məlumat yerləşdirilib. Bildirilib ki, bu gündən başlayaraq, İsveçin xarici siyasət idarəsi öz vətəndaşlarına Azərbaycana bütün lüzumsuz səfərlərdən çəkinməyi daha tövsiyə etməyəcək.

Səyahət üçün təhlükəsiz ölkələrin siyahısında Azərbaycanla yanaşı, Bosniya və Herseqovina, Bruney, İordaniya, Kanada, Kosovo, Moldova, Monteneqro, Qətər və Səudiyyə Ərəbistanı da yer alıb.

Qeyd edək ki, İsveçin səyahət üçün təhlükəsiz ölkələrin belə adlandırılan siyahısı COVID-19 virusunun yayılması ilə bağlı vəziyyətdən irəli gələrək müntəzəm şəkildə yenilənir.