Suraxanı rayonunun Hövsan qəsəbəsində ölümlə nəticələnən yol-nəqliyyat hadisəsi baş verib.
Daxili İşlər Nazirliyinin mətbuat xidmətindən YeniAvropa-ya bildirilib ki, Bakı şəhər sakini İlham Babayev idarə etdiyi “VAZ-2106” markalı avtomobili qəsəbə ərazisində aşırıb.
Qəza nəticəsində xəsarət alaraq xəstəxanaya yerləşdirilən sürücünün həyatını xilas etmək mümkün olmayıb.
Faktla bağlı Suraxanı rayon Polis İdarəsi tərəfindən araşdırma aparılır.