Avropa ölkələrin çempionatlarında ən çox qol vuran futbolçuya təqdim olunan "Qızıl buts” mükafatına namizədlərin siyahısı açıqlanıb.
YeniAvropa xəbər verir ki, fərdi titulun sahibinin kimliyi böyük fərqlə ən yaxın izləyicilərindən irəlilədədir.
Belə ki, Polşa millisinin futbolçusu Robert Levandovski mövsümün finişi ərəfəsində əlçatmaz görünür. "Bavariya”nın hücumçusu Almaniya Bundesliqasında artıq 39 top vurub. Onun aktivində 78 xal var.
Robertin iki ən yaxın izləyicisi əfsanəvi oyunçular Lionel Messi və Kriştiano Ronaldodur. Argentinalı "Barselona”nın heyətində İspaniya La Liqasında 28, portuqaliyalı "Yuventus”la A seriyasında 27 qola sevinib. Onların müvafiq olaraq 56 və 54 xalı var.
Həm İspaniya, həm İtaliya çempionatında sona üç tur qalıb. Levandovskiyə çatmaq üçün Messi və Ronaldo mümkünsüzü reallaşdırmalıdır. Messiyə 11, Ronaldoya 12 qol lazımdır ki, bu müddətdə polşalı 2 turda "susmalıdır”.
3206
3206
