Bolqarıstanın paytaxtı Sofiyada keçirilən Dünya Olimpiya Təsnifat Turnirində bu gün mübarizəyə qoşulan yunan-Roma güləşçimiz Rafiq Hüseynov yarımfinal görüşünü uğurla başa vurub.
YeniAvropa xəbər verir ki, 77 kq çəki dərəcəsində mübarizə aparan idmançının rəqibi Serbiya təmsilçisi Viktor Nemes olub.
4:1 hesablı qələbə qazanan Rafiq Hüseynov finala vəsiqə qazanmaqla ötən ildən təxirə salınan "Tokio-2020" Yay Olimpiya Oyunlarında iştirakını təmin edib.
Qeyd edək ki, bu, Azərbaycanın yunan-Roma güləşində 2-ci lisenziyası olub. Daha əvvəl İslam Abbasov (87 kq) martda Macarıstanın paytaxtı Budapeştdə keçirilmiş Avropa Təsnifat turnirində "Tokio-2020"Olimpiadasında iştirak hüququ əldə edib
3283
3283
