Tibbi Ərazi Bölmələrinin İdarəetmə Birliyinin (TƏBİB) İdarə Heyətinin sədri Ramin Bayramlının rəhbərlik etdiyi Azərbaycan nümayəndə heyəti COVID-19 infeksiyası ilə bağlı Türkiyənin təcrübəsini əldə etmək məqsədilə Ankarada səfərdədir.
YeniAvropa xəbər verir ki, Azərbaycanın Türkiyədəki Səfirliyi tərəfindən təşkil olunan səfər çərçivəsində Azərbaycandan olan mütəxəsislər Türkiyə səhiyyə nazirinin müavini Əminə Alp Meşe ilə görüşüblər.
Görüşdə, hazırda dünya ictimaiyyətini narahat edən koronavirusun yayılmasının səbəbləri, ondan qorunmaq yollarına dair səmərəli fikir mübadiləsi aparılıb.
Türkiyə Səhiyyə Nazirliyinin yoluxucu xəstəliklər və laboratoriyalar üzrə struktur rəhbərləri, tanınmış alimlər Ali Göktepe və Gülay Korukluoğlu ilə keçirilən görüşlərdə COVID-19 infeksiyasına qarşı mübarizəyə dair təcrübə mübadiləsi aparılıb.
COVID-19 infeksiyasına qarşı Azərbaycanda görülən əks-epidemik tədbirlər barədə ətraflı məlumat verilib. Qarşı tərəf vurğulayıb ki, ölkəmizdə görülən tədbirlər Ümumdünya Səhiyyə Təşkilatının və Türkiyə Səhiyyə Nazirliyinin Elmi Komitəsinin müəyyən etdiyi qaydalara uyğun aparılıb.
3395
3395
