“Azərbaycan mətbəxində dolmalar. 381 çeşid” adlı kitabın təqdimatı olub
Fevralın 6-da Bakı Kitab Mərkəzində Heydər Əliyev Fondunun təşkilatçılığı ilə uzun müddət nəşri üzərində iş aparılan və yenicə işıq üzü görmüş “Azərbaycan mətbəxində dolmalar. 381 çeşid” adlı kitabın təqdimatı keçirilib.
YeniAvropa xəbər verir ki, tədbiri mərkəzin direktoru Günel Rzayeva açaraq belə bir təqdimatın təmsil etdiyi mədəniyyət ocağında keçirilməsindən məmnunluğunu bildirib və kitabın milli mətbəximizin təbliğindəki rolunu qeyd edib.
Azərbaycan Milli Kulinariya Mərkəzinin sədri Tahir Əmiraslanov bildirib ki, tarixi torpaqlarımıza göz dikən ermənilər milli mətbəx nümunələrimizə də əl uzatmaqdan çəkinmirlər. Bir sıra dadlı təamlarımızı özününküləşdirməyə cəhd edirlər. Buna görə də düşmənlə təkcə səngərdə yox, bütün cəbhələrdə, o cümlədən kulinariya sahəsində də mübarizə aparmaq lazımdır. Bu baxımdan belə nəşrlər milli mətbəximizə sahib çıxmağımıza kömək edir.
Vurğulayib ki, kitab daimi olaraq Azərbaycan mətbəx mədəniyyətini diqqətdə saxladığına, dünya miqyasında tanıtdığına və UNESCO-nun siyahısında dolmanın Azərbaycanın qeyri-maddi mədəni irs nümunəsi kimi yerini tutmasında böyük zəhmətinə görə Birinci vitse-prezident Mehriban Əliyeva ithaf edilib. Qeyd edib ki, kitabda 2016-cı il Abşeronda, 2017-ci il Xaçmazda keçirilən dolma festivallarında təqdim olunan 381 dolma növü öz əksini tapıb. Bu növlər ölkəmizin bütün rayon, kənd və şəhərlərindən toplanıb. Nəşrdə verilən bəzi dolmalar artıq patent hüququna malikdir.
Azərbaycan Dövlət Turizm Agentliyinin aparat rəhbəri Kənan Qasımov ölkəmizin zəngin mətbəxə malik olduğunu bildirərək turizmin inkişafında milli mətbəximizin rolunu vurğulayıb.
Tədbirdə Milli Məclisin deputatları Qənirə Paşayeva, Ülviyyə Ağayeva, Xaçmaz Regional Mədəniyyət İdarəsinin rəisi Nazim Ağayev, Sumqayıt Regional Mədəniyyət İdarəsinin baş məsləhətçisi İlham Manafov, “Simurq” Azərbaycan Mədəniyyət Assosiasiyasının prezidenti Fuad Məmmədov və başqaları çıxış edərək kitabın ölkəmizin müxtəlif bölgələrində dolma növlərinin aşkara çıxarılmasında və təbliğ olumasında əhəmiyyətini vurğulayıblar.
Bildirilib ki, milli kulinariyamız özündə xalqımızın tarixi inanclarının bir çox sirlərini ehtiva edir. Onların tədqiqi kulinariya tariximizin öyrənilməsi və mətbəx mədəniyyətimizin qorunması baxımından əhəmiyyətlidir.
Qeyd edək ki, kitabın müəllifləri Tahir Əmiraslanov, Aygül Əsgərova, Ceyran Əsgərova, Aynurə Əmiraslanova və Ağakərim Şamidzadədir.
Zəngəzur dəhlizinin açılması üzərində iş davam edir-Rusiya XİN
"EURO-2032" Türkiyə və İtaliyada keçirilə bilər
DYP hava şəraiti ilə əlaqədar hərəkət iştirakçılarına müraciət edib
İstanbulda Qarabağla bağlı ABŞ-Avropa İttifaqı-Rusiya görüşü keçirilib
Rəsmi Bakı erməni separatçıların həbsinə dair Ermənistan XİN-nin etiraz bəyanatını qətiyyətlə pisləyir
Nobel mükafatına layiq görülən kimyaçı alimlərin adları açıqlanıb
Sabah Bakıda şimal küləyi əsəcək, yağış yağacaq, 23° isti olacaq
Cari ildə BTC ilə 1,1 milyon ton Qazaxıstan nefti nəql olunacaq
Daşaltıda 31 il sonra meyitinin qalıqları tapılan şəhid dəfn olunub
XİN Katrin Kolonnanın Azərbaycana qarşı iddialarını qətiyyətlə rədd edir
Azərbaycanda ilk dəfə Musiqi forumu keçiriləcək
Paytaxtda məktəbin yaxınlığında narkotik satan şəxs saxlanılıb
Ermənistanda ictimai rəy nəzərə alınmır-Rusiya XİN
Azərbaycan nefti 97,81 dollara satılır
Xoşbəxt Yusifzadə Fəxri xiyabanda dəfn olunacaq
Dünya çempionatı: Bu gün beş cüdoçumuz tatamiyə çıxacaq
Faktiki hava: Bəzi yerlərdə intensiv və güclü yağış yağıb
UEFA Çempionlar Liqası:Bu gün qrup mərhələsində daha 8 oyun keçiriləcək
Cəbrayıl rayonunun işğaldan azad edilməsindən üç il ötür
SOCAR-ın birinci vitse-prezidenti Xoşbəxt Yusifzadə vəfat edib
İmişlidə "Mercedes" traktorla toqquşub,1 nəfər ölüb
Milli Məclisin növbəti iclasının gündəliyi açıqlanıb
ICESCO Azərbaycanla əməkdaşlığı genişləndirməkdə maraqlıdır
TV və Radio kanalları Qarabağda yayım üçün lisenziya alıb
İncəsənət ustalarımız Polşada Musiqi Festivalında iştirak ediblər